- 2021-05-17 02:57:19
- បាល់ទាត់
អបអរសាទរ! ក្រុមបាល់ទាត់ស្ត្រី Barca ៣៦នាទី បំបាក់ Chelsea ៤-0 លើកពាន UCL
- 2021-05-17 02:57:19
- ចំនួនមតិ 0 | ចំនួនចែករំលែក 0
អបអរសាទរ! ក្រុមបាល់ទាត់ស្ត្រី Barca ៣៦នាទី បំបាក់ Chelsea ៤-0 លើកពាន UCL
ចន្លោះមិនឃើញ
ត្រឹមតែ៣៦នាទីតង់ទីមួយប៉ុណ្ណោះ ក្រុមបាល់ទាត់ស្ត្រីរបស់ក្លឹប Barcelona បានបំប៉ោងសំណាញ់ទីក្រុមស្ត្រី Chelsea ដល់ទៅ៤គ្រាប់។ ចប់ការប្រកួត៩០នាទីពួកគេយកឈ្នះក្រុមតោខៀវ ៤-០ និងជាក្រុមស្ត្រីរបស់អេស្បាញដំបូងគេដែលលើកពាន UCL នេះ។
អ្វីដែលគួរឱ្យចាប់អារម្មណ៍នោះគឺត្រឹមតែនាទីទី១ប៉ុណ្ណោះ ក្រុមស្ត្រីក្លឹបអ្នកមានបុណ្យរកបាន១គ្រាប់លើក្រុមស្ត្រី Chelsea។ វាជាបាល់ Own Goal បន្ទាប់ពីកីឡាការិនីក្រុមតោខៀវព្យាយាមទាត់បាល់ចេញ ប៉ុន្តែសំណាងមិនល្អទាត់ទៅបុកជើងគ្នាឯងផ្លាតចូលទីខ្លួនឯងតែម្ដង។
បីគ្រាប់ទៀតរកបានដោយកីឡាការិនី Alexia Putellas នៅនាទី ១៤ កីឡាការិនី Aitana Bonmati នៅនាទី ២១ និង C. G. Hansen នៅនាទី ៣៦។
នេះជាវគ្គផ្ដាច់ព្រ័ត្រពានរង្វាន់ Champions League លើកទីពីរហើយសម្រាប់ក្រុម Barcelona ខណៈឆ្នាំ២០១៩ ពួកគេចាញ់ក្រុមជើងឯក ៧សម័យកាលបារាំង Lyon រហូតដល់ទៅ ៤-១។ ឆ្នាំនេះពួកគេបំបាក់ Chelsea ៤-០ លើកពាន។
ចំណែក Chelsea គឺជាលើកទីមួយសម្រាប់ពួកគេ និងជាក្រុងអង់គ្លេសដំបូងគេដែលបានឡើងមកកាន់វគ្គផ្ដាច់ព្រ័ត្រនេះ បន្ទាប់ពីក្រុមស្ត្រី Arsenal លើកពានតាំងពីឆ្នាំ ២០០៧។
គួរបញ្ជាក់ថា ការប្រកួតវគ្គផ្ដាច់ព្រ័ត្ររវាងក្រុមទាំងពីរ គឺធ្វើឡើងនៅក្នុងទីក្រុង Gothenburg ប្រទេសស៊ុយអ៊ែត៕