- 2021-05-13 13:05:10
- បាល់ទាត់
ផ្លូវការ! ប្រកួតវគ្គផ្ដាច់ព្រ័ត្រ UCL ដូរពីទួរគីមកលេងនៅព័រទុយហ្គាល់
- 2021-05-13 13:05:10
- ចំនួនមតិ 0 | ចំនួនចែករំលែក 0
ផ្លូវការ! ប្រកួតវគ្គផ្ដាច់ព្រ័ត្រ UCL ដូរពីទួរគីមកលេងនៅព័រទុយហ្គាល់
ចន្លោះមិនឃើញ
ប្រកួតវគ្គផ្ដាច់ព្រ័ត្រនៃព្រឹត្តិការណ៍ UEFA Champions League រវាងក្លឹបអង់គ្លេសទាំងពីរគឺ Chelsea និង Manchester City នឹងផ្លាស់ប្ដូរពីកីឡដ្ឋានជាតិទួរគី អាតាទួរ ទៅកាន់កីឡដ្ឋាននាគរាជនៃក្លឹប (Estadio Dragao – Dragon Stadium) Porto ប្រទេសព័រទុយហ្គាល់ នេះបើតាមសេចក្ដីថ្លែងការណ៍របស់ស្ថាប័នបាល់ទាត់អឺរ៉ុប UEFA។
UEFA បានបង្ហើបនៅក្នុងសេចក្ដីថ្លែងការណ៍របស់ខ្លួនថា តាមពិតទៅស្ថាប័ននេះក៏ចង់ដូរទៅលេងនៅអង់គ្លេសដែរ ដើម្បីភាពងាយស្រួលទាំងអស់ តែតម្រូវការរបស់វិធានការសុខាភិបាលមានភាពតឹងតែងពេក ដូច្នេះមកលេងប្រទេសព័រទុយហ្គាល់ជាជម្រើសល្អសម្រាប់គ្រប់គ្នា ដោយហេតុតែប្រទេសនេះស្ថិតក្នុងបញ្ជីប្រទេស "បៃតង" របស់អង់គ្លេស។
ជាមួយគ្នានេះដែរ UEFA ក៏អនុញ្ញាតឲ្យក្លឹបទាំងពីរលក់សំបុត្រឲ្យអ្នកគាំទ្ររបស់ខ្លួនដោយមួយក្លឹបទទួលបាន ៦ពាន់សំបុត្រ។
ចំណែកឯប្រទេសទួរគីវិញ UEFA បានអរគុណចំពោះកិច្ចខិតខំប្រឹងប្រែងរបស់ប្រទេសនេះក្នុងការរៀបចំត្រៀមសម្រាប់ប្រកួតវគ្គផ្ដាច់ព្រ័ត្រនៃពានលំដាប់កំពូលអឺរ៉ុបមួយនេះ ហើយនឹងមើលពីលទ្ធភាពក្នុងការធ្វើជាម្ចាស់ផ្ទះសម្រាប់ព្រឹត្តិការណ៍ UEFA ផ្សេងទៀតនៅពេលឆាប់ៗបំផុត៕