- 2021-05-11 08:53:07
- ប្រដាល់
បង្ហាញមុខឲ្យស្គាល់ បុរសផ្ដល់មេរៀនឲ្យ Petrosyan សន្លប់ស្ដូកជាលើកដំបូងក្នុងអាជីព
- 2021-05-11 08:53:07
- ចំនួនមតិ 0 | ចំនួនចែករំលែក 0
បង្ហាញមុខឲ្យស្គាល់ បុរសផ្ដល់មេរៀនឲ្យ Petrosyan សន្លប់ស្ដូកជាលើកដំបូងក្នុងអាជីព
ចន្លោះមិនឃើញ
Giorgio Petrosyan ត្រូវបានគេស្គាល់ថា ជាកំពូលអ្នកប្រដាល់ Kickboxing ម្នាក់ក្នុងពិភពលោក បច្ចុប្បន្នជាកីឡាករស្ថិតក្រោមស្ថាប័ន ONE Championship។
កីឡាករសញ្ជាតិអ៊ីតាលីមានស្ថិតិប្រកួតល្អមែនទែន ឡើងសង្វៀន១១០ដង ឈ្នះ១០៤ដង ស្មើ២ដង មិនប្រកាសលទ្ធផល២ដង និងចាញ់តែ២ដងប៉ុណ្ណោះ។ Petrosyan ធ្លាប់ផ្ដួលដៃគូឲ្យសន្លប់ច្រើននាក់ណាស់ ប៉ុន្តែគេក៏ធ្លាប់ស្គាល់មេរៀនសន្លប់ម្ដងដែរក្នុងចំណោមការចាញ់២ប្រកួតរបស់គេដោយសារកីឡាករ Andy Ristie សញ្ជាតិ Surinamese។
Petrosyan និង Andy បានជួបប៉ះគ្នាក្នុងការប្រកួតកម្មវិធី Glory កាលពីឆ្នាំ២០១៣ ក្នុងវគ្គពាក់កណ្ដាលផ្ដាច់ព្រ័ត្រដណ្ដើមខ្សែក្រវាត់ប្រភេទទម្ងន់ Lightweight។ Petrosyan ជាកីឡាករដែលមានស្នៀតកណ្ដាប់ដៃល្អហើយធ្ងន់។ ប៉ុន្តែប្រកួតនេះ Andy បានម៉ាត់ Petrosyan ឲ្យសន្លប់ស្ដូកបាត់បង់ស្មារតីក្នុងទឹកទី៣។
រូបភាពបានធ្វើឲ្យអ្នកទស្សនាផ្ទាល់នៅឯងសង្វៀនភ្ញាក់ផ្អើលខ្លាំង មិននឹកស្មាន Petrosyan សន្លប់ជាលើកដំបូងក្នុងអាជីពដោយសារ Andy។ Andy Ristie បន្តបន្តដំណើរទៅវគ្គផ្ដាច់ព្រ័ត្រ ហើយបានយកឈ្នះកីឡាករហុល្លង់ Robin van Roosmalen គ្រងខ្សែក្រវាត Glory៕