- 2021-05-04 02:52:06
- បាល់ទាត់
លេងល្អក្រៅដីរដូវកាលនេះ គ្រូ PSG ផ្ដាំ City ថា បាល់ទាត់ជាល្បែងអាចធ្វើឲ្យអ្នកភ្ញាក់ផ្អើល
- 2021-05-04 02:52:06
- ចំនួនមតិ 0 | ចំនួនចែករំលែក 0
លេងល្អក្រៅដីរដូវកាលនេះ គ្រូ PSG ផ្ដាំ City ថា បាល់ទាត់ជាល្បែងអាចធ្វើឲ្យអ្នកភ្ញាក់ផ្អើល
ចន្លោះមិនឃើញ
លោក Mauricio Pochettino អ្នកចាត់ការរបស់ក្លឹប Pairs Saint-Germain បាននិយាយមុនការប្រកួតទល់នឹង Manchester City ថា បាល់ទាត់ជាល្បែងអាចធ្វើឲ្យអ្នកភ្ញាក់ផ្អើល។
Man City នឹងបើកកីឡដ្ឋាន Etihad ស្វាគមន៍ PSG សម្រាប់ជើងទីពីរវគ្គពាក់កណ្ដាលផ្ដាច់ព្រ័ត្រពានរង្វាន់ Champions League រាត្រីនេះម៉ោង២:០០នាទីរំលងអាធ្រាត្រ។ កាលពីជើងទីមួយ PSG បានភ្លាត់ចាញ់ក្នុងផ្ទះខ្លួនឯង ២-១ ដូច្នេះការប្រកួតយប់នេះពួកគេទាមទាររកគ្រាប់បាល់ចំណេញឲ្យបានច្រើនទើបអាចឡើងវគ្គផ្ដាច់ព្រ័ត្រ។
មុនជំនួបនេះមកដល់លោក Pochettino បាននិយាយក្នុងសន្និសីទកាសែតថា៖ “វាគ្មានសម្ពាធអីបន្ថែមនោះទេ។ Paris ខានលេងវគ្គពាក់កណ្ដាលផ្ដាច់ព្រ័ត្រច្រើនឆ្នាំមកហើយ។ គ្រប់គ្នានឹងលេងដោយក្ដីរីករាយ រៀបចំការប្រកួតឲ្យបានល្អ និងសប្បាយចិត្តនៅពេលវេលានេះ”។
Pochettino ក៏បានរំឭកទៅកាន់ City បន្តិចដែរថា បាល់ទាត់ជាល្បែងអាចធ្វើឲ្យអ្នកភ្ញាក់ផ្អើល។ ជាការពិតរដូវកាលនេះនៅពាន UCL ក្លឹបអ្នកមានរបស់បារាំង PSG ជាក្រុមខ្លាំងក្រៅដី។ Manchester United, Barcelona និង Bayern Munich សុទ្ធតែធ្លាប់ចាញ់ក្នុងផ្ទះដោយសារ PSG៕
