- 2021-04-28 08:14:49
- បាល់ទាត់
Neymar ៖ យើងពិតជាចង់ឈ្នះ Champions League ណាស់
- 2021-04-28 08:14:49
- ចំនួនមតិ 0 | ចំនួនចែករំលែក 0
Neymar ៖ យើងពិតជាចង់ឈ្នះ Champions League ណាស់
ចន្លោះមិនឃើញ
ក្រុម PSG នឹងបើកកីឡដ្ឋានរបស់ខ្លួនស្វាគមន៍ក្រុមភ្ញៀវ Manchester City សម្រាប់ការប្រកួតបានរង្វាន់ UEFA Champions League ជើងទី១ វគ្គពាក់កណ្ដាលផ្ដាច់ព្រ័ត្រនៅម៉ោង២រំលងអាធ្រាត្រនេះ។
មុនការប្រកួតនេះចាប់ផ្ដើម Neymar ខ្សែប្រយុទ្ធប្រេស៊ីល ដែលលោក Pep ជឿជាក់ថានឹងអាចបង្កគ្រោះថ្នាក់ដល់ក្រុម Manchester City បាននោះ ចេញមុខនិយាយថា៖ “យើងពិតជាចង់ឈ្នះពានរង្វាន់ UEFA Champions League ខ្លាំងណាស់។ ឆ្នាំនេះ PSG ពិតជាអភិវឌ្ឍសមត្ថភាពច្រើន ហើយយើងក៏បានធ្វើការងារជាច្រើនផងដែរ។ ខ្ញុំមានអារម្មណ៍អស្ចារ្យ សប្បាយចិត្ត។ នេះជារដូវកាលសប្បាយចិត្តបំផុតរបស់ខ្ញុំ”។
កីឡាករវ័យ២៩ឆ្នាំខាងលើនេះ រកបាន១៤គ្រាប់ ក្នុងការបង្ហាញខ្លួន២៤ប្រកួតរបស់គេនារដូវកាលនេះ។ ខណៈដែលបញ្ហារបួសក៏នៅតែជាបញ្ហាសម្រាប់អតីតកីឡាករ Barcelona នេះដែរ។ តែវត្តមានរបស់គេនៅរាត្រីនេះ ក៏នឹងធ្វើឱ្យក្រុម Man City បារម្ភខ្លាំងដូចគ្នា។
លោក Pep អ្នកចាត់ការក្រុមមេឃខៀវ បាននិយាយថាលោកគេងមិនលក់ទេនៅពេលគិតពីការពិតប្រយុទ្ធរបស់ PSG ដែលមានដូចជា Neymar , Mbappe និង Di Maria ។ ពួកគេលេងប្រយុទ្ធមែនទែន ហើយការព្យាយាមរៀបទម្រង់ការពារ នឹងមិនអាចមានប្រសិទ្ធភាពឡើយ៕