- 2021-04-14 08:05:56
- បាល់ទាត់
១៣ ប្រកួតជាប់គ្នា Real មិនចាញ់សោះ តើយប់នេះ Liverpool អាចបញ្ចប់បានទេ?
- 2021-04-14 08:05:56
- ចំនួនមតិ 0 | ចំនួនចែករំលែក 0
១៣ ប្រកួតជាប់គ្នា Real មិនចាញ់សោះ តើយប់នេះ Liverpool អាចបញ្ចប់បានទេ?
ចន្លោះមិនឃើញ
អធិរាជស Real Madrid មិនទាន់ស្គាល់ពាក្យថា ចាញ់ឡើយក្នុងចំណោម ១៣ ប្រកួតចុងក្រោយគិតគ្រប់ពានរង្វាន់។ ខណៈយប់នេះពួកគេត្រូវទៅលេងទឹកដីហង្សក្រហម Liverpool ក្នុងជំនួបជើងទី២ពានរង្វាន់ Uefa Championleague វគ្គ៨ក្រុមចុងក្រោយវេលាម៉ោង២យប់រំលងអាធ្រាត្រ។ តើការប្រកួតនេះហង្សអាចបញ្ឈប់ការមិនចាញ់សោះរបស់ស្ដេចសនេះបានដែរឬទេ?
ប្រិយមិត្តពិតជាបានដឹងហើយថា កាលពីជើងទី១ក្រុមទាំងពីរប៉ះគ្នាពិតជាជក់ចិត្តខ្លាំងណាស់ ហើយក្រុមហង្សក្រហមមិនអាចរកបានលទ្ធផលល្អឡើយដើម្បីត្រឡប់ទៅផ្ទះវិញ ពោលគឺចាញ់៣-១ នៅទឹកដីអេស្ប៉ាញ។ ប៉ុន្តែចំណុចដែលគួរឲ្យចាប់អារម្មណ៍ក្រោយចប់ការប្រកួតលោក Jurgen Klopp អ្នកចាត់ការក្រុមហង្សក្រហមបានពោលថា បរាជ័យនោះអាចបណ្ដាលមកពីកីឡាកររបស់លោកមិនសមជាមួយទីលាន។
បើនិយាយពីទម្រង់លេងបច្ចុប្បន្នរបស់ហង្សដែលជាម្ចាស់ផ្ទះ ពួកគេទំនងជាត្រូវការគ្រាប់បាល់ ហើយច្បាស់ណាស់ពូកគេនឹងប្រឹងប្រយុទ្ធស្វែងរកគ្រាប់បាល់ឲ្យបាន ដើម្បីអាចបន្តដំណើរទៅវគ្គបន្ទាប់។ ប៉ុន្តែកីឡាកររបស់ Liverpool មានអ្នករបួសជាច្រើនតួយ៉ាងដូចជា Joe Gomez, Virgil van Dijk និង Joel Matip ដែលសុទ្ធសឹងតែជាខ្សែការពារសំខាន់ ដែលកង្វះខ្សែការពារនេះក៏អាចជាដើមហេតុនៃការពិបាកក្នុងលេងយប់នេះផងដែរ ជាងនេះទៅទៀត ប្រធានក្រុម Jordan Henderson ក៏ស្ថិតក្នុងស្ថានភាពដែលមិនអាចជួយក្រុមបាន ដោយសារមិនទាន់បានហាត់គ្រប់គ្រាន់។
ចំណែកក្រុម Real Madrid វិញក៏មិនមែនគ្មានកីឡាកររបួសដែរថ្បិតថា ពួកគេលេងបានល្អប៉ុន្តែគេក៏មានកីឡាកររបួសច្រើនដែរដូចជា ប្រធានក្រុម Ramos, Dani Carvajal , Varane ខណៈដែល Lucas Vazquez ក៏ទំនងជាមិនអាចជួយក្រុមបានទៀត ដោយសារប៉ះទង្គិតកាលជំនួបEl Clasico កាលពីចុងសប្ដាហ៍មុន។ សម្រាប់ Eden Hazard វិញក៏មិនរំពឹងអាចជួយក្រុមបានសម្រាប់យប់នេះ បើទោះជាគេត្រូវបានគេដឹងថា នឹងអាចវិលមកកាន់ទីលានវិញឆាប់ៗក៏ដោយ។
ដូច្នេះជម្រើស១១នាក់សម្រាប់ក្រុមទាំងពីរអាចជា៖
Liverpool៖ Alisson; Alexander-Arnold, Phillips, Kabak, Robertson; Fabinho, Wijnaldum, Milner; Salah, Firmino, Mane ។
Real Madrid ៖ Courtois; Odriozola, Nacho, Militao, Mendy; Casemiro, Kroos, Modric; Asensio, Benzema, Vinicius Jr ។
រំលឹកថា ១៣ ប្រកួតចុងក្រោយរបស់ Real គឺឈ្នះ ១១ និងស្មើ២លើក ខណៈដែល Liverpool វិញ៥ប្រកួតចុងក្រោយចាញ់តែ Real នេះប៉ុណ្ណោះពោលគឺឈ្នះ៤ ៕