- 2021-04-13 08:35:56
- ប្រដាល់
ឡៅ ចិត្រា ចូលសង្វៀនវិញហើយប៉ះដៃគូចាស់នៅ CNC
- 2021-04-13 08:35:56
- ចំនួនមតិ 0 | ចំនួនចែករំលែក 0
ឡៅ ចិត្រា ចូលសង្វៀនវិញហើយប៉ះដៃគូចាស់នៅ CNC
ចន្លោះមិនឃើញ
អ្នកលេងគុនខ្មែរមកពីឆត្រយោង ៩១១ ឡៅ ចិត្រា វិលចូលសង្វៀនវិញហើយថ្ងៃសៅរ៍សប្ដាហ៍នេះលើសង្វៀន CNC ក្រោយសម្រាកប្រហែល៣ខែកន្លងទៅ។
សិស្សគុនមកពីកំពង់ស្ពឺខាងលើនេះបន្ទាប់ពីរៀបការរួច និងបានឡើងប្រកួតនៅ TOWN ឈ្នះប្រាក់លានម៉ារ៉ាតុងរួចមកគឺអាក់ខានរហូតមកដល់បច្ចុប្បន្ននេះតែម្ដង។ ថ្ងៃសៅរ៍នេះ ចិត្រា នឹងត្រូវប៉ះជាមួយកីឡាករ សូត្រ ប៊ុនធី ជាថ្មីហើយដើម្បីដណ្ដើមប្រាក់លានកម្មវិធីខារ៉ាបាវ។
ឡៅ ចិត្រា បើទោះជាខានប្រកួតយូរ ប៉ុន្តែសន្ទុះនៃការគាំទ្រ ការនឹករលឹកពីអ្នកតាមដានគុនខ្មែរគឺនៅតែរង់ចាំការប្រកួតរបស់គេ។ បើនិយាយពីប្រវត្តិនៃការប៉ះគ្នារវាងទាំងពីរនាក់នេះគឺច្រើនដងទៅហើយ ប៉ុន្តែអ្វីមិនប្រែប្រួលនោះគឺ សូត្រ ប៊ុនធី មិនដែលឈ្នះ ចិត្រា ឡើយ។
រង់ចាំមើលការប្រកួតដណ្ដើមប្រាក់លានថ្ងៃសៅរ៍ ទី១៧ មេសា ២០២១ នៅសង្វៀន CNC នេះ សូត្រ ប៊ុនធី អាចសងសឹកលើ ចិត្រា វិញបានទេ។ អ្នកគាំទ្រគុនខ្មែរចាំមើល ចិត្រា នៅល្អដូចដើមទេចំពោះការវិលចូលសង្វៀនជាថ្មីនេះ៕