- 2021-03-23 03:37:14
- កីឡាផ្សេងៗ
ម្ចាស់មេដាយមាសពិភពលោក ប៉ាល់ ជីវ័ន មានការសោកស្ដាយចំពោះការបាត់បង់លោក ស្ដើង ជា
- 2021-03-23 03:37:14
- ចំនួនមតិ 0 | ចំនួនចែករំលែក 0
ម្ចាស់មេដាយមាសពិភពលោក ប៉ាល់ ជីវ័ន មានការសោកស្ដាយចំពោះការបាត់បង់លោក ស្ដើង ជា
ចន្លោះមិនឃើញ
ម្ចាស់មេដាយមាសពិភពលោក តេក្វាន់ដូ ITF ប៉ាល់ ជីវ័ន ថាខ្លួនពិតជាមានកាសោកស្ដាយចំពោះការបាត់បង់នូវធនធានផ្នែកកីឡាគឺលោក វេជ្ជបណ្ឌិត ស្ដើង ជា កាលពីម្សិលមិញ។
ប៉ាល់ ជីវ័ន បានឲ្យដឹងថា កន្លងទៅខ្លួនធ្លាប់ធ្វើការ និងចូលវគ្គបណ្ដុះបណ្ដាលជាច្រើនជាមួយលោកគ្រូ ស្ដើង ជា ថែមទាំងទទួលបាននូវចំណេះដឹង បទពិសោធល្អៗជាច្រើនអំពីវេជ្ជសាស្ត្រខាងផ្នែកកីឡា។ លោកគ្រូជាធនធានសំខាន់ និងបានជួយដល់វិស័យកីឡាច្រើនមែនទែន។
ជើងខ្លាំង និងជាម្ចាស់មេដាយច្រើនគ្រឿងរបស់កម្ពុជារូបនេះបន្ថែមទៀតថា រូបគេពិតជាមានការសោកស្ដាយមែនទែនអំពីការទទួលមរណភាពលោក ស្ដើង ជា កាលពីម្សិលមិញ។
មរណភាពរបស់លោកវេជ្ជបណ្ឌិត ស្ដើង ជា នេះក៏មានការចូលរួមជាសាររំលែកទុក្ខជាច្រើនពីថ្នាក់ដឹកនាំដូចជាសម្ដេច ពិជ័យសេនា ទៀ បាញ់ ឯកឧត្ដម ថោង ខុន និងបណ្ដាសហព័ន្ធកីឡាជាតិផ្សេងៗផងដែរ។
រំលឹកដែរថា លោកគ្រូ ស្ដើង ជា ជាប្រធានគណៈកម្មការវេជ្ជសាស្ត្រ និងវិទ្យាសាស្ត្រកីឡា។ លោកគ្រូបានទទួលមរណភាពកាលពីព្រឹកមិញនេះហើយដោយសារជំងឺ កូវីដ ១៩។ បន្ទាប់ពីទទួលដំណឹងមរណភាពនេះមកគេឃើញថាក្នុងតាមបណ្ដាសហព័ន្ធកីឡាជាតិជាច្រើន រួមនិងកីឡាករ កីឡាការិនីក៏ដូចជាថ្នាក់ដឹកនាំគណៈកម្មាធិការជាតិអូឡាំពិកកម្ពុជា បានថ្លែងសាររំលែកទុក្ខជាបន្តបន្ទាប់ផងដែរ៕
