- 2021-03-03 07:32:25
- ប្រដាល់
ឈឿង ល្វៃ អាចនឹងសន្លប់ ឬបែករបស់ ឡៅ ចន្ទ្រា ថ្ងៃសៅរ៍នេះនៅ CNC
- 2021-03-03 07:32:25
- ចំនួនមតិ 0 | ចំនួនចែករំលែក 0
ឈឿង ល្វៃ អាចនឹងសន្លប់ ឬបែករបស់ ឡៅ ចន្ទ្រា ថ្ងៃសៅរ៍នេះនៅ CNC
ចន្លោះមិនឃើញ
ការប្រកួតរបស់ ឡៅ ចន្ទ្រា ជាមួយ ឈឿង ល្វៃ លើកនេះអាចនឹងកាច ថាមិនត្រូវមានសន្លប់ ឬមានបែកទៀត ព្រោះប៉ះគ្នាចុងក្រោយខឹងគ្នាមិនទាន់បាត់ផង។
ការវិលចូលសង្វៀនប្រកួតតាមស្ថានីយរបស់ ចន្ទ្រា អាទិត្យនេះនឹងជក់ចិត្ត ហើយវ៉ៃកាច់ទៀតផង ព្រោះប៉ះគ្នាលើកចុងក្រោយនៅកម្មវិធីផ្ដាច់ព្រ័ត្រជ្រើសរើសជើងឯកថ្នាក់ជាតិកន្លងទៅមានការអន់ចិត្តគ្នាមិនស្ទើរឡើយរហូតមិនទាំងចាប់ដៃគ្នាក្រោយប្រកួតផង។
ជាទូទៅ ចន្ទ្រា មិនសូវវ៉ៃអស់ក្បាច់ វ៉ៃសម្រុកខ្លាំងរវាងខ្មែរនិងខ្មែរនោះទេ មិនដូចទៅហ្នឹងការប៉ះបរទេសឡើយ។ ពោលកីឡាកររូបនេះវ៉ៃតាមដំណើរ វ៉ៃត្រឹមឈ្នះពិន្ទុប៉ុណ្ណោះ។ ប៉ុន្តែលើកនេះប្រហែលមិនដូចមុនឡើយ ព្រោះអាចឲ្យសិស្សប្អូនបានស្គាល់ថ្នាំខ្លាំងម្ដង។
បើចាំមិនភ្លេចទេ វគ្គផ្ដាច់ព្រ័ត្រមេដាយមាសថ្នាក់ជាតិអំឡុងខែមករា ឈឿង ល្វៃ ប៉ះ ចន្ទ្រា គឺខំប្រឹងបុកខ្លាំងមែនទែន ដោយចិត្តពុះកញ្ជ្រោលចង់ឈ្នះ រហូតពេលខ្លះជាប់ដៃថែមពេលអាជ្ញាកណ្ដាលចាប់ទៀតផង។ រឿងរវាងអ្នកទាំងពីរនាក់នេះកើកឡើងនៅចុងទឹក៥ ដែលពេលនោះ ឈឿង ល្វៃ សម្រុកវ៉ៃកែងជាខ្លាំងខណៈស្នូរជួងបញ្ចប់ និងអាជ្ញាកណ្ដាលចូលចាប់បំបែកទៅហើយ ប៉ុន្តែនៅជ្រុលវ៉ៃ១កែងទៀតទៅលើ ចន្ទ្រា ជាហេតុធ្វើឲ្យរូបគេខឹងជាខ្លាំង។ មិនត្រឹមតែប៉ុណ្ណេះ ចប់ការប្រកួតភ្លាម ឈឿង ល្វៃ មិនបានទៅសុំទោស ឬដើរទៅសម្ដែងការគួរសមដូចទម្លាប់របស់កីឡាករផ្សឹងៗឡើយ ជាហេតុធ្វើឲ្យ ចន្ទ្រា ក៏មិនដើរមករកវិញដែរ។
រំលឹកដែរថា ឡៅ ចន្ទ្រា ប៉ះ ឈឿង ល្វៃ ៣ដងឈ្នះទាំងអស់ ដោយ២ដងពិន្ទុ និង១ដងឈ្នះសន្លប់។ ប៉ះគ្នាចុងក្រោយវគ្គដណ្ដើមមេដាយមាស ថ្នាក់ជាតិ ឆ្នាំ២០២០ ដែលធ្វើឡើងចុងខែមករា ២០២១ នៅស្តាតចាស់៕