- 2021-02-26 06:58:05
- បាល់ទះ
ណែនាំឲ្យស្គាល់ អនាគតឆ្វេងល្អរបស់កម្ពុជាទើប១៧ ឆ្នាំកម្ពស់ ១,៨៨ ម៉ែត្រ
- 2021-02-26 06:58:05
- ចំនួនមតិ 0 | ចំនួនចែករំលែក 0
ណែនាំឲ្យស្គាល់ អនាគតឆ្វេងល្អរបស់កម្ពុជាទើប១៧ ឆ្នាំកម្ពស់ ១,៨៨ ម៉ែត្រ
ចន្លោះមិនឃើញ
កាលពីពេលថ្មីៗនេះគេឃើញស្មាត់ឆ្វេងរបស់មហាផ្ទៃ ខុម ហុងទ្រី បានចេញលេងក្រៅផ្លូវការជាមួយរៀមច្បង ធី ម៉េងហ៊ួង ដែលមើលទៅសមត្ថភាពមិនធម្មតា។ អ្វីដែលពិសេសសម្រាប់យុវជនរូបនេះគឺអាចលេងទល់គីឡូធ្ងន់ ឌូក ខណៈដែលវ័យរបស់គេទើប១៧ឆ្នាំប៉ុណ្ណោះ ហើយកម្ពស់ដល់១,៨៨ ម៉ែត្រ។
យុវជនកម្ពស់ត្រូវស្តង់ដារអន្តរជាតិរូបនេះ នឹងអាចក្លាយជាស្មាត់ឆ្វេងជម្រើសជាតិកម្ពុជានាពេលអនាគត ប្រសិនបើបន្តការប្រឹងប្រែង និងដាក់ចិត្តដាក់កាយហ្វឹកហាត់។ មូលហេតុដែលអាចក្លាយជាកីឡាករល្អមកពី គេមានកម្ពស់ល្អ រួមទាំងមានទេពកោសល្យលេងបាល់ពីកំណើតទៀតផង។
ឆ្វេងរបស់មហាផ្ទៃរូបនេះកើតថ្ងៃទី៦ ខែមិថុនា ឆ្នាំ២០០៤ ជាកូនអ្នកនៅព្រែកព្នៅ។ ឪពុកឈ្មោះ ជុក ខុម និងម្ដាយឈ្មោះ ជួង យ៉ុង មានបងប្អូន ៧ នាក់ជាកូនពៅក្នុងគ្រួសារ។ គេបានចូលហាត់នៅមហាផ្ទៃថ្ងៃទី១៨ ខែកក្កដា ឆ្នាំ២០១៩ ដោយចូលលេងដំបូងមិនសូវចេះប៉ុន្មានទេ ដោយគ្រាន់តែអាចលេងបានតិចតួចប៉ុណ្ណោះ។
ហុងទ្រី បានជាប់ឈុតធំរបស់មហាផ្ទៃកាលខែមករា ឆ្នាំ២០២១។ ចំណុចខ្វះខាតដែលរូបគេមើលឃើញគឺ នៅស្ទើរលោត ស្ទើរទទួលសេវា និងស្ទើរបាំងជាដើម។ ប៉ុន្តែយ៉ាងណាយុវជនខាងលើបានសន្យាថា នឹងចាប់អាជីពនេះឲ្យជាប់ទៅថ្ងៃអនាគត ដោយសារមានក្ដីស្រម៉ៃចង់ចេញទៅលេងស៊ីហ្គេមតំណាងឲ្យកម្ពុជា នៅក្រៅប្រទេស ៕