- 2021-02-16 03:28:03
- បាល់ទាត់
អ្នកគាំទ្រ Barca ប្រើស្នៀតដុតកាំជ្រួចក្រៅសណ្ឋាគារ រំខានកីឡាករ PSG មិនឲ្យដេក
- 2021-02-16 03:28:03
- ចំនួនមតិ 0 | ចំនួនចែករំលែក 0
អ្នកគាំទ្រ Barca ប្រើស្នៀតដុតកាំជ្រួចក្រៅសណ្ឋាគារ រំខានកីឡាករ PSG មិនឲ្យដេក
ចន្លោះមិនឃើញ
អ្នកគាំទ្ររបស់ Barcelona បាននាំគ្នាដុតកាំជ្រួចនៅខាងក្រៅសណ្ឋាគារដែលក្រុម PSG កំពុងស្នាក់នៅ ដើម្បីរំខានពួកគេមិនឲ្យដេក មុនក្រុមទាំងពីរប៉ះគ្នាយប់នេះពាន Champions League។
ទំនាក់ទំនងរវាងក្រុមទាំងពីរបានក្លាយជាសត្រូវទៅហើយ បន្ទាប់ពីពួកគេជួបគ្នាញឹកញាប់មែនទែននៅពាន UCL ជាពិសេសចុងក្រោយក្រោយ Barca បានយកឈ្នះដល់ ៦-១។ PSG បានសងសឹកវិញ ដោយបញ្ចុះបញ្ចូលឆក់យកបាន Neymar ក្នុងតម្លៃខ្លួន២០០លានផោន។
Barcelona នឹងធ្វើជាម្ចាស់ផ្ទះស្វាគមន៍ PSG រាត្រីនេះម៉ោង៣:០០នាទីទៀបភ្លឺវគ្គ១៦ក្រុមចុងក្រោយជើងទីមួយ។ មុនប្រកួតមកដល់អ្នកគាំទ្ររបស់ក្រុមយក្សនៅប្រទេសអេស្ប៉ាញបានទៅដុតកាំជ្រួចក្បែរសណ្ឋាគាររបស់ក្រុម PSG សម្រាក ដើម្បីរំខានដំណេក។
ក្នុងវីដេអូមួយផ្សេងទៀត គេបានឭអ្នកគាំទ្រ Barca ស្បែកជេរ PSG ថាជាចោរ។ មូលហេតុ PSG បានទិញយក Neymar មួយហើយ ចុងក្រោយនេះពួកគេនៅចង់បាន Lionel Messi ម្នាក់ទៀត៕