- 2021-02-11 07:15:46
- កីឡាផ្សេងៗ
គណៈកម្មការផ្សព្វផ្សាយ CAMSOC ប្រជុំលើ៣ចំណុចសំខាន់រឿងស៊ីហ្គេម ២០២៣
- 2021-02-11 07:15:46
- ចំនួនមតិ 0 | ចំនួនចែករំលែក 0
គណៈកម្មការផ្សព្វផ្សាយ CAMSOC ប្រជុំលើ៣ចំណុចសំខាន់រឿងស៊ីហ្គេម ២០២៣
ចន្លោះមិនឃើញ
ប្រធានគណៈកម្មការផ្សព្វផ្សាយរបស់ CAMSOC ម្សិលមិញនេះបើកកិច្ចប្រជុំលើ៣ចំណុចធំៗ ទី១ ដំណើរឆ្ពោះទៅស៊ីហ្គេម ទី២ ការរៀបចំ Medial Central និងទី៣ ការរៀបចំរក្សាទុកឯកសារនៅពេលបញ្ចប់ស៊ីហ្គេម ឆ្នាំ២០២៣។
ឯកឧត្ដម ជា ច័ន្ទបរិបូរណ៍ ប្រធានគណៈកម្មការផ្សព្វផ្សាយ នៃគណៈកម្មការរៀបចំកីឡាអាស៊ីអាគ្នេយ៍ លើកតី៣២ បានឲ្យដឹងថា ម្សិលមិញនេះជាកិច្ចប្រជុំប្រចាំឆ្នាំទៅតាមកាលវិភាគការងារដែល CAMSOC បានចាត់ចែង។
ចំពោះខ្លឹមសារ នៃកិច្ចប្រជុំនេះគឺមាន៣ចំណុចធំៗ ទី១ ដំណើរឆ្ពោះទៅស៊ីហ្គេម ទី២ ការរៀបចំ Medial Central និងទី៣ ការរៀបចំរក្សាទុកឯកសារនៅពេលបញ្ចប់ស៊ីហ្គេម ឆ្នាំ២០២៣ ទាំងនេះជាចំណុចសំខាន់ដែលគណៈកម្មការផ្សព្វផ្សាយត្រូវធ្វើ។ ចំណុចស្មុគស្មាញរបស់គណៈកម្មការផ្សព្វផ្សាយនៅពេលនេះ គឺការបង្កើត Medial Central បើទោះធ្លាប់ប្រជុំធំៗច្រើនដងជាមួយភាគីបរទេសក៏ដោយ ប៉ុន្តែនេះមិនមែនលើកិច្ចការផ្នែកកីឡានោះឡើយ។ ជំហានបន្ទាប់គណៈកម្មការនឹងស្នើសុំបញ្ចូលសមាសភាពទូរទស្សន៍ និងអ្នកជំនាញការស៊ីហ្គេមមកធ្វើការជាមួយផងដែរ។
រំលឹកដែរថា ម្សិលមិញនេះគណៈកម្មការផ្សព្វផ្សាយ នៃព្រឹត្តិការណ៍កីឡាអាស៊ីអាគ្នេយ៍ លើកទី៣២ ហៅកាត់ថា CAMSOC បានបើកកិច្ចប្រជុំជាមួយសមាជិករបស់ខ្លួនក្នុងទីស្នាក់ការ NOCC ដែលដឹកនាំប្រជុំដោយឯកឧត្ដម ជា ច័ន្ទបរិបូរណ៍៕
