- 2021-02-08 08:42:51
- កីឡាផ្សេងៗ
មិនសូវមានធនធានដូចគេ ប៉ុន្តែហាប់គីដូតែងតែរំលឹកគុណជូនវត្ថុអនុស្សាវរីយគ្រូចាស់ៗ
- 2021-02-08 08:42:51
- ចំនួនមតិ 0 | ចំនួនចែករំលែក 0
មិនសូវមានធនធានដូចគេ ប៉ុន្តែហាប់គីដូតែងតែរំលឹកគុណជូនវត្ថុអនុស្សាវរីយគ្រូចាស់ៗ
ចន្លោះមិនឃើញ
សហព័ន្ធខ្មែរកីឡាហាប់គីដូ បើទោះជាមិនទាន់ទទួលស្គាល់ពីក្រសួងអប់រំ និងសំបូរធនធានដូចសហព័ន្ធជាតិដទៃ ប៉ុន្តែខ្លួនតែងតែមានសកម្មភាពជានិច្ច និងតែងរំលឹកដឹងគុណគ្រូចាស់ៗក៏ដូចជាថ្នាក់ដឹកនាំ។
លោក គង់ ចាន់ធីណា អគ្គលេខាធិការសហព័ន្ធខាងលើនេះបានឲ្យដឹងថា ពិធីជួបជុំនេះគឺធ្វើឡើងជាការដឹងគុណក្នុងពេលបុណ្យទានដល់ព្រឹទ្ធាចារ្យចាស់ៗ ដែលជាអ្នកត្រួសត្រាយកីឡាមួយនេះពីមុនមក។ មួយវិញទៀតជាការបណ្ដុះនូវស្មារតីសាមគ្គីគ្នារវាងសិស្សជំនាន់មុន និងជំនាន់ក្រោយឲ្យជួបជុំពិសាបាយសាមគ្គី និងចេះរួមសាមគ្គីគ្នាជួយដល់សកម្មភាពនានារបស់សហព័ន្ធ។
ចំពោះថវិកាវិញទ្រទ្រង់វិញអគ្គលេខាធិការខាងលើបញ្ជាក់ថាគឺបានមកពីការប្រមូលគ្នាពីសិស្សទាំងចាស់ ទាំងថ្មី តាមសទ្ធារៀងខ្លួន និងថវិកាមួយចំនួនពីឯកឧត្ដមបណ្ឌិត ជា ប៊ុនហេង រួមទាំងមន្ត្រីក្នុងសហព័ន្ធផងដែរ។
រំលឹកដែរថា ម្សិលមិញសហព័ន្ធខ្មែរកីឡាហាប់គីដូ បានធ្វើពិធីជួបជុំសិស្សគុនជំនាន់មុន ជំនាន់ថ្មី ដើម្បីពិសាបាយសាមគ្គី និងជូនកាដូអនុស្សាវរីយដល់ព្រឹទ្ធាចារ្យចាស់ៗ និងថ្នាក់ដឹកនាំដែលតែងតែជួយផ្គត់ផ្គង់កន្លងទៅ។ កម្មវិធីនេះដែរបានការផ្ដល់កិត្តិយសពី ឯកឧត្តម ឧត្តមសេនីយ៍ឯក បណ្ឌិត ជា ប៊ុនហេង អគ្គលេខាធិការក្រុមប្រឹក្សាកីឡាក្រសួងមហាផ្ទៃ ព្រឹទ្ធាចារ្យ សាន គឹមសៀន រួម និងព្រឹទ្ធាចារ្យចាស់ៗមួយចំនួនទៀត៕
