- 2021-02-04 03:06:49
- បាល់ទាត់
Jose ផ្ដាំ Tuchel ថាដឹកនាំ Chelsea គឺមិនពិបាកទេ ត្បិតធ្លាប់ត្រូវក្លឹបដេញចោល២ដង
- 2021-02-04 03:06:49
- ចំនួនមតិ 0 | ចំនួនចែករំលែក 0
Jose ផ្ដាំ Tuchel ថាដឹកនាំ Chelsea គឺមិនពិបាកទេ ត្បិតធ្លាប់ត្រូវក្លឹបដេញចោល២ដង
ចន្លោះមិនឃើញ
លោក Jose Mourinho បាននិយាយថា ការដឹកនាំ Chelsea គឺមិនមែនជាការងារពិបាកទេ ត្បិតធ្លាប់ត្រូវក្លឹបដេញចោលពីរដងក៏ដោយ។
បុរសរហស្សនាម “The Special One” នឹងត្រូវទទួលស្វាគមន៍ក្លឹបចាស់ Chelsea ដែលកំពុងដឹកនាំដោយលោក Thomas Tuchel នៅរាត្រីនេះ ដែលជាជំនួប London Derby។ វានឹងក្លាយជាប្រកួតក្រៅដីដំបូងរបស់ Tuchel ចាប់តាំងពីចូលជំនួសកន្លែងលោក Frank Lampard កាលពីខែមុន។
Mourinho ធ្លាប់ឈ្នះពាន Premier League ២រដូវកាលជាប់គ្នា (២០០៤-០៥ និង ២០០៥-០៦) នៅពេលដែលលោកមក Chelsea លើកទីមួយ។ ហើយលោកបានឈ្នះវាម្ដងទៀតនៅរដូវកាល២០១៤-១៥ ពេលដែលត្រឡប់មកកាន់ Stamford Bridge ជាលើកទីពីរ។
មុនប៉ះ Chelsea អ្នកចាត់ការសញ្ជាតិព័រទុយហ្គាល់បានប្រាប់ Tuchel ថា លោកមិនគិតថាធ្វើជាគ្រូរបស់ Chelsea ជារឿងពិបាកនោះទេ ព្រោះលោកធ្លាប់ឈ្នះពាននៅទីនោះ៣ដង។ សូម្បីតែ Carlo Ancelotti និង Antonio Conte ក៏ធ្លាប់ឈ្នះ។
“ខ្ញុំជឿជាក់ Chelsea តែងតែមានកីឡាករល្អៗ និងគ្រូល្អៗរីករាយធ្វើការក្នុងក្លឹបនេះ។ កីឡាករនឹងផ្ដល់ឱកាសល្អមួយទៅអ្នកដើម្បីជោគជ័យនិងឈ្នះពានរង្វាន់"។ សម្ដី Jose៕
