- 2021-01-28 22:42:51
- ព័ត៌មាន
Liverpool ហក់ឡើងលេខ៤ ក្រោយទៅសំពង Tottenham ដល់ក្នុងផ្ទះ ៣-១
- 2021-01-28 22:42:51
- ចំនួនមតិ 0 | ចំនួនចែករំលែក 0
Liverpool ហក់ឡើងលេខ៤ ក្រោយទៅសំពង Tottenham ដល់ក្នុងផ្ទះ ៣-១
ចន្លោះមិនឃើញ
Liverpool បានរកឃើញជ័យជម្នះលើកដំបូងរបស់ខ្លួន ក្នុងឆ្នាំ ២០២១នេះ ក្រោយយកឈ្នះទៅលើ Tottenham Hotspur ក្នុងលទ្ធផល ៣-១។
ការប្រកួតនៅកីឡដ្ឋាន White Hart Lane លេងបានតែ ៤នាទីមិនទាន់ក្ដៅដីផង Heung-Min Son របស់ម្ចាស់ផ្ទះរកបាន១គ្រាប់មុន ប៉ុន្តែបាល់នេះត្រូវចាត់ទុកថា ក្រៅល្បែង (Offside) ក្រោយអាជ្ញាកណ្ដាលឆែក VAR។
នៅចុងវគ្គទីមួយ Roberto Firmino រកបាន១គ្រាប់ឲ្យម្ចាស់ផ្ទះ បញ្ជូនឲ្យដោយ Sadio Mane នៅនាទី ៤៥+៤។ ចូលវគ្គទីពីរ Trent Alexander-Arnold រកបាន១គ្រាប់បន្ថែមឲ្យក្រុមភ្ញៀវ ក្រោយលេងបានតែ២នាទី។ លុះនៅនាទី ៤៩ Hoejbjerg វាយបកបាន១គ្រាប់វិញឲ្យក្រុមលោក Jose Mourinho តាមពីក្រោយ ២ទល់នឹង១។
Liverpool មិនបានលេងការពារទេ ទោះជាខ្លួនកំពុងនាំមុខក៏ដោយ ហើយក្រុមជើងឯកចាស់ Premier League បន្ថែម១គ្រាប់ទៀតនាទី ៦៥ ដោយ Mane ក្រោមការបញ្ជូនយ៉ាងល្អពី Arnold ធ្វើឲ្យក្រុមលោក Jurgen Klopp យកឈ្នះមាន់ខ្នាយមាស ៣-១៕