- 2021-01-28 07:40:45
- បាល់ទាត់
រវាង Zlatan និង Lukaku តើ Pogba កាន់ជើងខាងណា រឿងសង្គ្រាមជេរម្ដាយគ្នា?
- 2021-01-28 07:40:45
- ចំនួនមតិ 0 | ចំនួនចែករំលែក 0
រវាង Zlatan និង Lukaku តើ Pogba កាន់ជើងខាងណា រឿងសង្គ្រាមជេរម្ដាយគ្នា?
ចន្លោះមិនឃើញ
ខ្សែបម្រើ Paul Pogba បាននិយាយថា Zlatan Ibrahimovic មិនបាននិយាយរើសអើងពូជសាសន៍លើ Romelu Lukaku ឡើយ។
អតីតមិត្តរួមក្រុម Manchester United គឺ Ibrahimovic និង Lukaku បានប៉ះទង្គិចគ្នា អំឡុងពេលការប្រកួត Coppa Italia រវាង Inter និង AC Milan រហូតមានការបោះសំដីជេរគ្នាទៅវិញទៅមក។
ប៉ុន្តែ Pogba ដែលធ្លាប់លេងជាមួយកីឡាករទាំងពីរនៅ Old Trafford បានចេញមកការពារ Ibra លើបណ្ដាញសង្គម។ គេបានសំអាងថា កីឡាករសញ្ជាតិស៊ុយអែតគ្មានផ្លូវរើសអើងពូជសាសន៍ឡើយ ព្រោះពួកគេជាមិត្តល្អនឹងគ្នា។
សម្រាប់ Zlatan ខ្លួនឯងក៏បានចេញមកបដិសេធ មិនបាននិយាយរើសអើងពូជសាសន៍នោះទេ។ អំឡុងពេលប៉ះទង្គិចគ្នាគេបានឭ Zlatan បានហៅ Lukaku ថា អាសត្វលា ថែមទាំងដៀមដាមដល់ម្ដាយទៀត។ Lukaku ក៏មិនទុកយូរបានជេរតបវិញភ្លាមៗ ប៉ុន្តែ Zlatan នៅឈរលើជំហរមិនបានប្រមាថដល់ម្ដាយឡើយ៕