- 2021-01-26 03:31:15
- បាល់ទះ
យក្សមហាផ្ទៃ ឆ្លៀតរត់កង់បីពេលសម្រាកពីហាត់បាល់ព្រោះពឹងប្រាក់ខែចាយមិនគ្រប់
- 2021-01-26 03:31:15
- ចំនួនមតិ 0 | ចំនួនចែករំលែក 0
យក្សមហាផ្ទៃ ឆ្លៀតរត់កង់បីពេលសម្រាកពីហាត់បាល់ព្រោះពឹងប្រាក់ខែចាយមិនគ្រប់
ចន្លោះមិនឃើញ
ឃុន វាសនា ឬ ត្រូវបានគេស្គាល់ថា ស្មាត់ យក្ស របស់មហាផ្ទៃ បានរៀបរាប់ពីមុខរបរក្រៅពីការហាត់បាល់ទះរបស់ខ្លួនថា ឆ្លៀតរត់កង់បីជារៀងរាល់ថ្ងៃ ដើម្បីបន្ថែមប្រាក់ចំណូលចូលគ្រួសារ ព្រោះបើពឹងប្រាក់ខែការងារផ្គត់ផ្គង់មិនគ្រប់។
ស្មាត់ស្ដាំដែលមានស្រុកកំណើតមកពីខេត្តកំពតរូបនេះ មានក្របខ័ណ្ឌជាមន្ត្រីប៉ូលិស ក្រោយចូលហ្វឹកហាត់នៅក្លឹបមហាផ្ទៃ។ យ៉ាងណាប្រាក់ខែដែលបានពីមន្រ្តីប៉ូលិសនេះ គឺជាថ្នូរ នឹងការចូលហាត់បាល់ទះនេះផងដែរ។
ទាក់ទង នឹងជីវិតប្រចាំថ្ងៃស្មាត់ស្ដាំរូបនេះបានរៀបរាប់ថា រូបគេឆ្លៀតរត់កង់បីបានមួយរយៈពេលហើយ។ របរក្រៅនេះ គឺដើម្បីផ្គត់ផ្គង់ជីវភាពបន្ថែម ពីព្រោះបើពឹងតែប្រាក់ខែគឺចាយវាយមិនគ្រប់គ្រាន់។ បច្ចុប្បន្នគេមានគ្រួសារ និងកូនពីរនាក់ក្នុងបន្ទុក ហើយស្នាក់នៅផ្ទះជួលមួយកន្លែងនៅម្ដុំផ្សារដីហុយ។
ស្មាត់ស្ដាំដែលគេតែងឃើញលេងទល់ស្មាត់ឌូករូបនេះ ទើបតែបានចូលលេងឲ្យមហាផ្ទៃវិញ ក្រោយជាពីរបួសបាក់ជើងដោយសារក្រឡាប់កង់បី។ បច្ចុប្បន្នគេក៏មិនទាន់មានកម្លាំងបរិបូរណ៍ដូចមុន ដើម្បីចូលរួមប្រលូកក្នុងសមរភូមិតារាងនានាវិញបានដែរ។
ក្នុងការចូលលេងឲ្យមហាផ្ទៃក្នុងពានរង្វាន់ មិត្តភាព៧មករា គេក៏បានចូលរួមជួយក្រុមរបស់ខ្លួនឲ្យទទួលបានលេខ២ ដោយឆ្លងកាត់ការប្រកួតចំនួន ៤ រកបាន ៧ ពិន្ទុផងដែរ៕