- 2021-01-19 11:58:46
- កីឡាផ្សេងៗ
អគ្គលេខាធិការ CAMSOC៖២០២១ នេះសំខាន់ណាស់ដើម្បីធានា ២០២២-២០២៣ ទទួលបានជោគជ័យ ឬយ៉ាងណា
- 2021-01-19 11:58:46
- ចំនួនមតិ 0 | ចំនួនចែករំលែក 0
អគ្គលេខាធិការ CAMSOC៖២០២១ នេះសំខាន់ណាស់ដើម្បីធានា ២០២២-២០២៣ ទទួលបានជោគជ័យ ឬយ៉ាងណា
ចន្លោះមិនឃើញ
អគ្គលេខាធិការ នៃគណៈកម្មការរៀបចំកីឡាអាស៊ីអាគ្នេយ៍ លើកទី៣២ (CAMSOC) ថានៅឆ្នាំ២០២១ នេះពិតជាឆ្នាំដែលមានសំខាន់មែន ព្រោះថាទាល់តែឆ្នាំនេះធ្វើការរលូនល្អទើប ២០២២-២០២៣ ដំណើរការបានដោយមិនជួបការលំបាក។
ឯកឧត្ដម វ៉ាត់ ចំរើន អគ្គលេខាធិការ CAMSOC បានឲ្យដឹងក្នុងថ្ងៃមហាសន្និបាតថា ដូចទៅហ្នឹងសម្ដេច ទៀ បាញ់ និងឯកឧត្ដម ថោង ខុន បានលើកឡើងអីចឹង ឆ្នាំនេះគឺជាឆ្នាំចាប់ផ្ដើមធ្វើការត្រៀមសម្រាប់ស៊ីហ្គេម ២០២៣ ហើយដូច្នេះរាល់កិច្ចការគ្រប់ផ្នែកពាក់ព័ន្ធទាំងអស់ត្រូវបញ្ចប់ឲ្យបាន ៧០-៨០%។ រៀបចំសឹងតែបានរួចរាល់ដើម្បីពិនិត្យ កែច្នៃ និងលៀងសំអាតបន្តិចបន្តួចនៅឆ្នាំ២០២២ ព្រោះចាប់ពីឆ្នាំនោះទៅអ្វីៗនឹងចាប់ផ្ដើមដំណើរការហើយ។ គណៈកម្មការ សហព័ន្ធកីឡាអន្តរជាតិ និងភាគីពាក់ព័ន្ធផ្សេងៗនឹងត្រូវមកពិនិត្យ ឬប្រជុំជាបន្តបន្ទាប់នៅកម្ពុជា។
អ្នកជំនាញខាងកីឡាខាងលើនេះបន្ថែមទៀតថា នៅឆ្នាំនេះគឺត្រូវធ្វើការកិច្ចច្រើន ហើយពិសេសត្រូវបញ្ចប់ឲ្យស្ទើរតែរួចរាល់ បើមិនដូច្នេះទេ នៅឆ្នាំ២០២២ នឹងមានការលំបាកច្រើន។ ក្នុងនោះដែរសម្ដេច ទៀ បាញ់ ក៏បានដាក់នូវការងារសំខាន់ៗដែរត្រូវធ្វើជាច្រើនផងដែរ ខណៈគ្រប់គណៈកម្មការជំនាញនានាៗក៏បានបង្ហាញកិច្ចការ និងសកម្មភាពរបស់ខ្លួនបានយ៉ាងល្អ។
រំលឹកដែរថា គណៈកម្មការរៀបចំកីឡាអាស៊ីអាគ្នេយ៍ លើកទី៣២ (CAMSOC) បានធ្វើមហាសន្និបាតបូកសរុបការងារឆ្នាំចាស់ និងលើកទិសដៅសំខាន់ៗសម្រាប់ឆ្នាំ២០២១ នៅថ្ងៃទី១៨ ខែមករា ឆ្នាំ២០២១ នៅឯសណ្ឋាគារ ហ្គាឌិន ស៊ីធី។ កិច្ចប្រជុំនេះដឹកនាំដោយសម្ដេច ទៀ បាញ់ ប្រធាន CAMSOC ឯកឧត្ដម ថោង ខុន អនុប្រធាន ឯកឧត្ដម វ៉ាត់ ចំរើន អគ្គលេខាធិការ និងភាគីពាក់ព័ន្ធជាច្រើនទៀត៕