- 2021-01-18 07:32:04
- បាល់ទាត់
អាជ្ញាកណ្ដាលជើងចាស់ម្នាក់ បកស្រាយរឿងផ្លុំបញ្ចប់មុន៥វិនាទី ការប្រកួតរបស់ Liverpool
- 2021-01-18 07:32:04
- ចំនួនមតិ 0 | ចំនួនចែករំលែក 0
អាជ្ញាកណ្ដាលជើងចាស់ម្នាក់ បកស្រាយរឿងផ្លុំបញ្ចប់មុន៥វិនាទី ការប្រកួតរបស់ Liverpool
ចន្លោះមិនឃើញ
អតីតអាជ្ញាកណ្ដាលក្នុងក្របខណ្ឌ Premier League លោក Mark Clattenburg បានចេញមកបកស្រាយអំពីរឿងចម្រូងចម្រាសនៃការផ្លុំកញ្ចែបញ្ចប់ការប្រកួតមុនម៉ោងក្នុងជំនួបរវាង Liverpool ជាមួយ Manchester United។
ក្នុងការប្រកួតដ៏ធំរវាងក្រុមខ្លាំងទាំងពីរក្នុងលីគកំពូលរបស់អង់គ្លេស ត្រូវរ៉ាប់រងកាត់សេចក្ដីលើទីលានដោយលោកអាជ្ញាកណ្ដាល Paul Tierney។ រឿងហេតុបានកើតឡើងក្នុងវគ្គទីមួយនៅចុងម៉ោងបន្ថែម១នាទី ខណៈ Liverpool ទទួលបានឱកាសរកគ្រាប់ដ៏ល្អមួយ ស្រាប់តែលោក Tierney បានបញ្ចប់ការប្រកួតមុន៥វិនាទី។
រូបភាពមួយនេះបានធ្វើឲ្យកីឡាកររបស់ហងក្រហម មិនពេញចិត្តឡើយ។ ទាក់ទងនឹងរឿងនេះលោក Mark Clattenburg បានចេញមកបកស្រាយថា តាមពិតលោក Tierney ចង់បញ្ចប់ការប្រកួតនៅតំបន់អព្យាក្រឹត (តំបន់កណ្ដាលទីលាន)។
Clattenburg បានបន្ថែមទៀត តែបើតាមបច្ចេកទេស Tierney គួរតែរងចាំឲ្យកីឡាករលេងបន្តិចទៀតសិនឬលើសមួយនាទីតិចតួចក៏បាន។ យ៉ាងណាលោកមិនរិះគន់ចំពោះការកាត់សេចក្ដីរបស់ Tierney ក្នុងការប្រកួតនេះឡើយ ដោយសរសើរថាដឹកនាំប្រកួតបានល្អ។ ហើយរឿងខាលលើគ្រាន់តែជាកំហុសបច្ចេកទេសខ្លះប៉ុណ្ណោះ៕
