- 2021-01-18 07:02:48
- បាល់ទះ
តោកំណាចស្មីធំល្អដូចផ្ដា ប្រកួត៥សិតខូចតែ ៥ ទៅ ៦ គ្រាប់ប៉ុណ្ណោះ
- 2021-01-18 07:02:48
- ចំនួនមតិ 0 | ចំនួនចែករំលែក 0
តោកំណាចស្មីធំល្អដូចផ្ដា ប្រកួត៥សិតខូចតែ ៥ ទៅ ៦ គ្រាប់ប៉ុណ្ណោះ
ចន្លោះមិនឃើញ
ក្នុងជំនួបមិត្តភាពដកស្រង់បច្ចេកទេស ជាមួយក្រុមស្នងការដ្ឋាននគរបាលរាជធានីភ្នំពេញកាលពីពេលថ្មីៗ តោកំណាចស្មីធំ បានបង្ហាញសមត្ថភាពគួរឱ្យស្ញើចសរសើរ ដោយ៥សិតរូបគេធ្វើឱ្យខូចបាល់ចន្លោះពី៥ទៅ៦គ្រាប់ប៉ុណ្ណោះ។
ចាប់ពីសិតទី១ដល់សិតទី២ តោកំណាចស្មីធំ ដែលមានឈ្មោះដើម ដូច រស្មី បានបង្កព្យុះភ្លៀង និងវៃផ្ដាច់បាល់យកពិន្ទុបានរហូត ធ្វើឱ្យក្រុមគូរប្រកួតរងសម្ពាធខ្លាំង ហើយក្រុមបញ្ជាការដ្ឋានអង្គរក្សរបស់គេ ក៏ទទួលបានជ័យជម្នះនាំមុខពីរសិតសូន្យ។
ចូលដល់សិតទី៣ដល់ទី៥ ថ្វីបើក្រុមបញ្ជាការដ្ឋានអង្គរក្សចាញ់ ប៉ុន្តែស្មាត់ធំខេត្តតាកែវ ដូច រស្មី នៅវៃផ្ដាច់បានល្អ គ្មានអ្នកការពារបាន។ ត្រង់ចំណុចនេះស្មីធំបានឱ្យ Sabay ដឹងយ៉ាងខ្លីថានេះក៏ដោយសាររបួសចង្កេះរបស់គេបានធូរស្បើយច្រើន និងមានការសហការគ្នាយ៉ាងសង់តង់ក្នុងក្រុមទាំងមូល។
តោកំណាច ស្មីធំ បានបញ្ជាក់ថា ៖«ថ្ងៃមុនបង ដោយសារចង្កេះខ្ញុំធូរស្បើយ ខ្ញុំចេះតែវៃបានហើយ។ វាផ្កួបផ្សំគ្នាបង យើងសហការគ្នាជាមួយក្រុម អ្នកប៉ះសេ ណាមួយចង្កេះយើងបានធូរទៅ ទើបលេងបានប៉ុណ្ណឹង»។
កីឡាករដែលជួយឱ្យក្លឹបបាល់ទះ បញ្ជាការដ្ឋានអង្គរក្ស ឈ្នះជើងឯកពានរង្វាន់បាល់ទះ Leo Cup និងជើងឯកពានរង្វាន់សម្ដេចអគ្គមហាសេនាបតីតេជោ ហ៊ុន សែន ឆ្នាំ២០១៥ បានជាប់ចង្កេះក្នុងឆ្នាំ២០១៦ ក្រោយបានត្រឹមជើងឯករង កម្មវិធីប្រកួតបាល់ទះនៅបុណ្យទន្លេក្រុងកំពង់ចាម។
គួរបញ្ជាក់ថាទោះបីក្នុងការប្រកួតមិត្តភាព កាលពីថ្ងៃទី១៥ ខែមករា ឆ្នាំ២០២១កន្លងទៅ ស្មីធំ បង្ហាញសមត្ថភាពល្អមែនពិត ប៉ុន្តែគេមិនអាចជួយក្រុមបានឡើយ ដោយចាញ់ក្រុមស្នងការនគរបាលរាជធានីភ្នំពេញ ក្នុងលទ្ធផល ៣សិតទល់នឹង ២សិត៕