- 2021-01-12 09:01:21
- ប្រដាល់
ឡើងកូដខ្លាំង! ឌីស៊ែលឡេក ពេលនេះទទួលបានឱកាសទៅដណ្ដើមខ្សែក្រវាត់នៅ ONE
- 2021-01-12 09:01:21
- ចំនួនមតិ 0 | ចំនួនចែករំលែក 0
ឡើងកូដខ្លាំង! ឌីស៊ែលឡេក ពេលនេះទទួលបានឱកាសទៅដណ្ដើមខ្សែក្រវាត់នៅ ONE
ចន្លោះមិនឃើញ
កីឡាករថៃ Capitan Petchyindee Academy ឬគ្រប់គ្នាស្គាល់ថាជាឌីស៊ែលឡេកនឹងត្រូវឡើងប្រកួតដណ្ដើមខ្សែក្រវាត់ Kickboxing នៅសង្វៀន ONE Championship ក្នុងខែនេះ។
តាមការប្រកាសរបស់ ONE កីឡាករ Capitan ត្រូវជួបជាមួយម្ចាស់ខ្សែក្រវាត់កីឡាករ Alaverdi Ramazanov ក្នុងប្រភេទទម្ងន់ Bantamweight (៦៥,៨គីឡូក្រាម)។ ការប្រកួតនឹងរៀបចំឡើងនៅថ្ងៃទី ២២ ខែ មករា ក្នុងប្រទេសសិង្ហបុរី។
Capitan ធ្លាប់បង្ហាញវត្តមាននៅសង្វៀន ONE បានតែម្ដងគត់ ដោយកាលនោះយកឈ្នះមិត្តរួមជាតិថៃដូចគ្នា Petchtanong Banchamek ក្នុងទឹកទី១ចំណាយពេល៦វិនាទី។ កីឡាករវ័យ២៧ឆ្នាំបច្ចុប្បន្នកំពុងឡើងទម្រង់ប្រកួតមែនទែន ១៣ប្រកួតចុងក្រោយមិនទាន់ស្គាល់ពាក្យថាចាញ់នៅឡើយ។
ក្នុងចំណោម១៣ប្រកួតនោះគេធ្លាប់ឈ្នះកីឡាករកម្ពុជា២រូបគឺរឿង សោភ័ណ្ឌនិងម៉ឺន សុភា និងវាយចុងក្រោយឈ្នះជើងខ្លាំងលំដាប់ A របស់ថៃ Sangmanee។ សម្រាប់ម្ចាស់ខ្សែក្រវាត់ Alaverdi Ramazanov ជាកីឡាករមានបទពិសោធន៍ជោគជាំនៅសង្វៀន ONE។ គេធ្លាប់ប្រកួតនៅទីនោះ៦ដង និងយកបានខ្សែក្រវាត់ពេលប៉ះកីឡាករចិន Zhang Chenglong៕