ក្លឹប Paris Saint-Germain គ្រោង​នឹង​ខ្ចី​ជើង​ Dele Alli នៅ​ខែ​​ក្រោយ បន្ទាប់​ Spurs ហាក់​ចង់​ឲ្យ​​ខ្សែ​បម្រើ​ប្រយុទ្ធ​រូប​នេះ​​ចាកចេញ​ដូច​គ្នា។

​PSG បាន​បរាជ័យ​​សំណើ​​ខ្ចី​ជើង​ Alli ម្ដង​ហើយ​កាល​ពី​​ទីផ្សារ​ដោះដូរ​កីឡាករ​រដូវ​ក្ដៅ ដោយសារ Spurs បាន​បដិសេធ​មិន​ទាន់​ចង់​ឲ្យ​កីឡាករ​របស់​ពួក​គេ​ចេញ​នៅ​ឡើយ​ទេ។ យ៉ាងណា​ ស្ថានភាព​បច្ចុប្បន្ន​បាន​បង្ហាញ​ថា Alli មិន​ស្ថិត​​ក្នុង​គម្រោង​របស់​លោក Jose Mourinho ទេ។

ចាប់​តាំង​ពី​ Premier League បើក​រដូវ​កាល​ថ្មី​ កីឡាករ​វ័យ​២៤​ឆ្នាំ​មិន​ទាន់​បង្ហាញ​ខ្លួន​​ចាប់​ផ្ដើម​ជា​ជម្រើស​ដំបូង​ម្ដង​ណា​ឡើយ។ Alli ទើប​តែ​​លេង​បាន​២​ប្រកួត​គត់​ក្នុង​លីគ។ សម្រាប់​ការ​ប្រកួត​របស់ Spurs នៅ Europa League ​កាល​ពី​យប់​មិញ Alii អង្គុយ​នៅ​កៅអី​បម្រុង​មិន​បាន​លេង​ទេ។

សម្រាប់ Dele ក៏​ចង់​ចេញ​ពី Spurs ដូច​គ្នា ដើម្បី​រក​ក្លឹប​ថ្មី​បាន​លេង​ជម្រើស​ដំបូង។ PSG ជា​ក្លឹប​ដែល​មាន​ចំណាប់​អារម្មណ៍​ចង់​យក​កីឡាករ​សញ្ជាតិ​អង់គ្លេស​រូប​នេះ​ទៅ​ចូលរួម​៕