- 2020-12-02 03:33:15
- កីឡាផ្សេងៗ
កែវ សំណាង នាំសិស្ស ITF តាំងពីកោះកុង ចូលរួមប្រកួតនៅភ្នំពេញ គោលបំណងលើកស្ទួយមុខមាត់ឃុំ ថ្មស
- 2020-12-02 03:33:15
- ចំនួនមតិ 0 | ចំនួនចែករំលែក 0
កែវ សំណាង នាំសិស្ស ITF តាំងពីកោះកុង ចូលរួមប្រកួតនៅភ្នំពេញ គោលបំណងលើកស្ទួយមុខមាត់ឃុំ ថ្មស
ចន្លោះមិនឃើញ
អតីតម្ចាស់មេដាយមាស២គ្រឿង អាស៊ីអាគ្នេយ៍ កែវ សំណាង នាំសិស្សគុនតេក្វាន់ដូ ITF របស់ខ្លួនតាំងពីខេត្តកោះកុង ចូលរួមប្រកួតនៅភ្នំពេញ ក្នុងគោលបំណងចង់លើកស្ទូយមុខមាត់ភូមិ ឃុំថ្មស ឲ្យមានភាពល្បីល្បាញដូចគេ។
លោក កែវ សំណាង បានឲ្យដឹងថា ក្លឹបតេក្វាន់ដូ ITF របស់ខ្លួនមានឈ្មោះថា «ក្លឹបថ្មសខេត្តកោះកុង» បានបង្កើតអស់រយៈពេលជាងកន្លះឆ្នាំមកហើយ។ ចំពោះសិស្សដែលមកហាត់រៀនជាមួយនេះក៏ច្រើនគួរសមផងដែរ។
ម្ចាស់មេដាយមាសអាស៊ីអាគ្នេយ៍ ២០១៧ រូបនេះបន្តលើកឡើងទៀតថា មូលហេតុដែលខ្លួនបង្កើតឲ្យក្លឹបនេះឡើងគឺចង់ឲ្យអ្នកនៅរស់នៅឯឃុំថ្មស មានមុខមាត់មានស្នាដៃដូចជាខ្លួនផងដែរក្នុងវិស័យកីឡាមួយនេះ។ ណាមួយទៀតលោកមើលឃើញពីសមត្ថភាពល្អរបស់ប្រជាជននៅទីនោះ ប៉ុន្តែមិនមានឱកាសបានហាត់រៀន ឬចូលប្រឡូកក្នុងការប្រកួតដូចគេដទៃ។ ការចូលរួមប្រកួតនេះគឺពិតជាមានសារសំខាន់មែន ព្រោះសិស្សទទួលបានបទពិសោធថ្មីៗ និងបានបង្ហាញថាខេត្តកោះកុង ជាពិសេសឃុំថ្មស ក៏មានធនធានអ្នកក្បាច់គុន មានអ្នកមានសមត្ថភាពល្អដូចខេត្តដទៃផងដែរ។
រំលឹកដែរថា លោក កែវ សំណាង បានឲ្យសិស្សគុនរបស់ខ្លួន៣នាក់មកចូលរួមប្រកួតតំណាងឲ្យខេត្តកោះកុង ឃុំថ្មស ក្នុងព្រឹត្តិការណ៍ជ្រើសរើសជើងឯកថ្នាក់ជាតិ តេក្វាន់ដូ ITF ឆ្នាំ២០២០ ដែលទើបបញ្ចប់ទៅនេះ។ ក្នុងចំណោម៣នាក់នេះគឺមានកីឡាករថ្មស ២នាក់ទទួលបានមេដាយសំរឹទ្ធក្នុងព្រឹត្តិការណ៍នេះ៕
វីដេអូ៖
https://web.facebook.com/watch/?v=1566705836873693
