- 2020-11-30 04:16:11
- បាល់ទាត់
Diop អតីតកីឡាកររបស់ Fulham បានទទួលមរណភាពហើយ
- 2020-11-30 04:16:11
- ចំនួនមតិ 0 | ចំនួនចែករំលែក 0
Diop អតីតកីឡាកររបស់ Fulham បានទទួលមរណភាពហើយ
ចន្លោះមិនឃើញ
អតីតជម្រើសជាតិសេណេហ្គាល់ ក្រុម Fulham និង Portsmouth លោក Papa Bouba Diop បានទទួលមរណភាពហើយក្នុងវ័យ៤២ឆ្នាំ។
Diop ធ្លាប់បានបង្ហាញខ្លួន១២៩ប្រកួតនៅ Premier League ក្នុងនោះគេក៏ធ្លាប់លេងឲ្យ West Ham United និង Birmingham City ផងដែរ។ គេធ្លាប់លេងឲ្យសេណេហ្គាល់ក្នុងព្រឹត្តិការណ៍ World Cup 2002 ដោយកាលនោះទាត់បញ្ចូលទីក្នុងការប្រកួតបើកឆាកជួយក្រុមឈ្នះបារាំង ១-០។
សេណេហ្គាល់បានបន្តដំណើរដល់វគ្គ៨ក្រុមចុងក្រោយ ប៉ុន្តែសោកស្ដាយចាញ់ទួរគី។ Diop ក៏ធ្លាប់បង្ហាញ៤ដងក្នុងកម្មវិធី Africa Cup of Nations និងធ្លាប់ជួយក្រុមបានលេខ២ម្នាក់កាលឆ្នាំ២០០២។ គេបានប្រកាសចូលនិវត្តន៍ក្នុងឆ្នាំ២០១៣។ ជាមួយក្រុមនៅអង់គ្លេសវិញ Diop បានជួយ Postsmouth ឈ្នះពាន FA Cup ឆ្នាំ២០០៨ ក្រោមការដឹកនាំរបស់លោក Harry Redknapp៕