- 2020-11-20 03:40:11
- បាល់ទះ
ក្នុងចំណោមអ្នកប៉ះសេទាំង ៤ របស់ក្លឹបធំៗនេះ តើអ្នកណាល្អជាងគេ ?
- 2020-11-20 03:40:11
- ចំនួនមតិ 0 | ចំនួនចែករំលែក 0
ក្នុងចំណោមអ្នកប៉ះសេទាំង ៤ របស់ក្លឹបធំៗនេះ តើអ្នកណាល្អជាងគេ ?
ចន្លោះមិនឃើញ
ជាការពិតណាស់ អ្នកលេងបាល់ទះប្រាកដជាស្គាល់ច្បាស់ពីអ្នកលើកបាល់ឬ អ្នកប៉ះសេនៅតាមក្លឹបនីមួយបច្ចុប្បន្ន ប៉ុន្តែមិនមែនសុទ្ធតែល្អទាំងអស់នោះតាមការចង់បានរបស់ប្រិយមិត្តឡើយ។ យ៉ាងណាពេលនេះ Sabay សូមធ្វើការបង្ហាញជូនអ្នកលើកបាល់ប្រចាំក្លឹបធំៗ ទាំង៤បច្ចុប្បន្ន តើអ្នកណាល្អជាងគេ។
១-សួន ចាន់ណារ៉ូ ៖ ប្រធានក្រុមជម្រើសជម្រើសជាតិបាល់ទះកម្ពុជារូបនេះ គឺជាអ្នកលើកបាល់ល្អបំផុតរបស់វិសាខាបច្ចុប្បន្ន។ គេជាអ្នកដែលមានបទពិសោធក្បែរ ១០ ឆ្នាំដែលទទួលបានទាំងការបណ្ដុះបណ្ដាលបានយ៉ាងល្អពីក្លឹបរបស់គេ ថែមទាំងបានចេញទៅហ្វឹកហាត់នៅប្រទេសថៃថែមទៀតផង។
២-ទង់ ៖ ទង់ ជាអ្នកលើកបាល់ជំនាញរបស់ក្លឹបកងពលធំអន្តរាគមន៍លេខ ៣ ។ គេក៏មិនអន់ដែរ ដែលការលើកបាល់របស់គេមានជំនាញល្អក្នុងការញាក់បាល់ដើម្បីដាច់បាំង ហើយអាចមានសមត្ថភាពលោតបាំងល្អទៀតផង។ ទង់ ជាអ្នកលើកបាល់ល្អមួយរូបរបស់ ដែលលេងស៊ីចង្វាក់គ្នាជាមួយ ឌូក ផងដែរ។
៣- វិចិត្រ ៖ វិចិត្រ ជាអ្នកលើកបាល់មួយរូបរបស់ក្លឹបបញ្ជាការដ្ឋានអង្គរក្ស ដែលអាចធ្វើស្មាត់ក៏បាន ប៉ះសេក៏បាន ហើយអាចលោតវាយសេវាបានយ៉ាងល្អផងដែរ។ វិចិត្រ ជាអ្នកលើកបាល់ដៃស៊ីចង្វាក់គ្នាជាមួយ អធិរាជប្រអប់ រាជ ដែលតែងលេងជាមួយគ្នានៅតាមតារាងបាល់ទះនានាក្នុងប្រទេសកម្ពុជា ។
៤-ប៊ន ណារិទ្ធ ៖ អ្នកប៉ះសេរូបនេះ ក៏អាចលោតបាំងបានល្អផងដែរ ។ ចំណែកការប៉ះសេរបស់គេវិញ ណារិទ្ធ អាចនិយាយបានថា ល្អកម្រិតបង្គួរមួយ ដែលអាចញាក់បាំង និងលើកស៊ីចង្វាក់គ្នាជាមួយ ធី ម៉េងហួង ដែលជាមិត្តរួមក្រុមរបស់គេផងដែរ ៕