- 2020-11-19 06:57:40
- ប្រដាល់
ផ្ទុះ កូវីដ ជិតមួយឆ្នាំនេះអ្នកនាំកីឡាករថៃមកខ្មែរ លោក ថៃ អ៊ូ ខាតលុយខ្ទង់ម៉ឺនដុល្លារ
- 2020-11-19 06:57:40
- ចំនួនមតិ 0 | ចំនួនចែករំលែក 0
ផ្ទុះ កូវីដ ជិតមួយឆ្នាំនេះអ្នកនាំកីឡាករថៃមកខ្មែរ លោក ថៃ អ៊ូ ខាតលុយខ្ទង់ម៉ឺនដុល្លារ
ចន្លោះមិនឃើញ
គ្រូប្រដាល់ និងជាអ្នកនាំកីឡាករថៃមកប្រកួតនៅខ្មែរ លោក ថៃ អ៊ូ ថាតាំងពីផ្ទុះជំងឺ កូវីដ រយៈពេលជិតមួយឆ្នាំនេះខាតលុយ ឬបាត់ចំណូលប្រហែល៣ម៉ឺនដុល្លារពីវិស័យប្រដាល់។
លោក ថៃ អ៊ូ បានឲ្យដឹងថា បន្ទាប់ពីព្រំដែនគោកខ្មែរ-ថៃ ត្រូវបិទ និងមិនអាចនាំកីឡាករថៃមកប្រកួតដូចសព្វដងតាមសង្វៀននានាធ្វើឲ្យលោកបាត់ចំណូលច្រើន ដែលពីមុនបានក្នុង១ខែអាចសល់ចន្លោះពី ១០០០-២០០០ដុល្លារឥលូវដាច់ទាំងស្រុង។
អ្នកកីឡាចាស់វស្សានៅប៉ោយប៉ែតខាងលើបន្តលើកឡើងទៀតថា ក្រៅតែពីការនាំកីឡាករថៃមកប្រកួតនៅកម្ពុជាហើយនោះគឺការលក់សម្ភារកីឡាក៏មិនអាចលក់បានផងដែរ ដែលនេះក៏ជាប្រភពចំណូលប្រចាំសប្ដាហ៍ ឬខែមួយទៀត។ ទន្ទឹមនិងនេះថវិកាកក់កីឡាករនៅតាមក្លឹបថៃនានាក៏នៅទ្រឹងមិនអាចបង្វិលវិញ ដូច្នេះផ្ទុះ កូវីដ មួយឆ្នាំនេះលោកខាតលុយមិនក្រោម ៣ម៉ឺនដុល្លារឡើយ។
រំលឹកដែរថា លោក ថៃ អ៊ូ ជាអ្នកនាំកីឡាករថៃមកប្រកួតនៅកម្ពុជា។ លោកក៏ជាប្រធានសមាគមប្រដាល់នៅប៉ោយប៉ែត និងជាអ្នកលក់សម្ភារហ្វឹកហាត់ក៏ជាប្រេងលាបខ្លួនឡើងប្រកួតរបស់កីឡាករផងដែរ។ បច្ចុប្បន្ននេះព្រំដែនគោកកម្ពុជា-ថៃ នៅបិទនៅឡើយទេ ស្របពេលការប្រកួតមិត្តភាពអន្តរជាតិដូចសព្វដងក៏ផ្អាកផងដែរ៕