រឿងក្ដៅគគុកទាំង ៤ ក្នុងវិស័យបាល់ទាត់ខ្មែរចុងឆ្នាំ២០២០

2020-11-18 08:44:28
បាល់ទាត់

2020-11-18 08:44:28
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយរកឃើញ ជើងឯកលីគកំពូល២០២០ ដោយបឹងកេតជាអ្នកគ្រង និង Hun Sen Cup បានទៅវិសាខា ក្រុមបាល់ទាត់ទាំងអស់ ដល់ពេលសម្រាក ហើយក្លឹបនីមួយៗកំពុងរៀបចំទិញកីឡាករថ្មី និងប្ដូរគ្រូបង្វឹកជាដើម។ យ៉ាងណាក្រោយការប្រកួតលីគ និងខាប់ត្រូវបានបញ្ចប់ក៏មានរឿងខ្លះៗ បានកើតឡើង ដែលធ្វើឲ្យអ្នកគាំទ្រកំពុងផ្ទុះការចាប់អារម្មណ៍ ដែលរឿងទាំង៤នោះមានដូចខាងក្រោម៖

១-Lee Tae Hoon ៖ ក្រោយប្ដូរតំណែងរបស់លោក ស៊ុំ វណ្ណា ពីតួនាទីគ្រូបង្វឹកទៅជានាយកបច្ចេកទេសរបស់ភ្នំពេញក្រោន។ ក្លឹបនេះក៏បានរៀបចំ ទាក់ទងគ្រូបង្វឹកថ្មី ដែលត្រូវបានមហាជនកំពុងងឿងឆ្ងល់ថាជាអ្នកណា? យ៉ាងណាពេលនេះគ្រូបង្វឹករបស់ក្រោនគឺលោក Oleg Starynskyi ។

លោក Lee

Oleg Starynskyi

២- ចាន់ វឌ្ឍនាកា ៖ មួយរយៈមុននេះមានអ្នកគាំទ្រជាច្រើនបានសួរទាក់ទង ខ្សែប្រយុទ្ធឆ្នើមរបស់កម្ពុជារូបនេះ បន្តនៅបឹងកេតឬយ៉ាងណា។ ទាក់ទងចំណុចនេះលោកបែរមករា អ្នកចាត់ការរបស់បឹងកេតក៏បានឆ្លើយខាងខ្លី ឲ្យអ្នកគាំទ្ររង់បន្តិចសិន គឺរង់ចាំការប្រកាសផ្លូវការរបស់ក្លឹប។

៣-ធារី ចន្ថាប៊ីន ៖ ធារី បានផុតកុងត្រាជាមួយក្លឹប KEDAH Perak ត្រឹមឆ្នាំ២០២០ នេះហើយ។ ដោយខ្សែបម្រើកូនកាត់បារាំងរូបនេះក៏ត្រូវបានមហាជនកំពុងតាមឃ្លាំមើលផងដែរថា តើ នឹងបន្តទៅក្លឹបណាបន្តទៀត។ ធារី ជាខ្សែបម្រើមួយរូបដែលធ្លាប់បង្ហាញខ្លួនក្នុងជម្រើសជាតិកម្ពុជា និងជាអតីតខ្សែបម្រើឆ្នើមរបស់ភ្នំពេញក្រោនផងដែរ។

៤-សហព័ន្ធបាល់ទាត់កម្ពុជាពិន័យភ្នំពេញក្រោន និងបឹងកេត៖ កាលពីពេលថ្មីៗសហព័ន្ធកីឡាបាល់ទាត់កម្ពុាបានពិន័យក្លឹបភ្នំពេញក្រោន ទឹកប្រាក់ ២លានរៀល និងហាមមិនឲ្យអ្នកគាំទ្រចូលទស្សនាការប្រកួតចំនួន ២ ប្រកួត សម្រាប់រដូវកាល២០២១ ។ ចំណែកបឹងកេតបានពិន័យជាទឹកប្រាក់១លានរៀល និងហាមមិនឲ្យគាំទ្រចូលទស្សនាការប្រកួតចំនួន ១ ប្រកួត ដែលការពិន័យនេះកើតឡើងដោយសារការប៉ះទង្គិចហិង្សានៅលើទីលានកាលភ្នំពេញក្រោន ប៉ះបឹងកេត ដែលបញ្ចប់ដោយលទ្ធផល ១-១ ហើយក៏ជាការប្រកួតដែលបឹងកេតលើកពានលីគផងដែរ៕