Sport For All ផ្សព្វផ្សាយពីស៊ីហ្គេម ចុះដល់ខេត្តកំពង់ធំហើយថ្មីៗនេះ

2020-11-17 03:13:35
កីឡាផ្សេងៗ

2020-11-17 03:13:35
ចំនួនមតិ 0 | ចំនួនចែករំលែក 0

ចន្លោះមិនឃើញ

កម្មវិធីរបស់គណៈកម្មាធិការជាតិអូឡាំពិកកម្ពុជា Sport For All កីឡាទាំងអស់គ្នា បានចេញផ្សព្វផ្សាយជាលើកទី៣ រួចរាល់នៅខេត្តកំពង់ធំ ជាមួយបណ្ដាសិស្សានុសិស្សមកពីសាលានានានៅក្បែរៗនោះ។

រូបភាពផ្ដល់ជូន

លោក ញ៉ាន សុខវិសាល ប្រធាននាយកដ្ឋានទំនាក់ទំនងអន្តរជាតិ នៃគណៈកម្មាធិការជាតិអូឡាំពិកកម្ពុជា បានឲ្យដឹងថា កម្មវិធី Sport For All ដែលធ្វើសកម្មភាពផ្សព្វផ្សាយបំផុសឲ្យប្រជាជនម្នាក់លេងកីឡា១ប្រភេទ និងផ្សព្វផ្សាយពីដំណើរឆ្ពោះទៅធ្វើជាម្ចាស់ផ្ទះស៊ីហ្គេម នេះបានបញ្ចប់ទៅហើយនៅឯខេត្តកំពង់ធំ។ មូលហេតុកម្មវិធីលើកទី៣ សម្រេចយកខេត្តកំពង់ធំនេះគឺព្រោះជាខេត្តមួយដែលមិនសូវមានពាក់ព័ន្ធជំងឺកូវីដ តែទោះយ៉ាងនេះក្ដីក៏ក្រុមការងារបានអនុវត្តន៍ផែនការអនាម័យដោយត្រឹមត្រូវ និងប្រុងប្រយ័ត្នខ្ពស់ផងដែរ។

រូបភាពផ្ដល់ជូន

ដូចទៅហ្នឹងកម្មវិធីលើកទី១-២ អីចឹងដែរពោលផ្ដល់ឱកាសឲ្យសិស្សានុសិស្សពីបណ្ដាសាលានានាបានចូលរួមលេង Game បែបកីឡាដូចជារត់ប្រណាំង ជិះកង់ ទាត់បាល់ និងកីឡាមួយចំនួនទៀតដើម្បីរឹតចំណងសាមគ្គីភាពក៏ដូចជាផ្សព្វផ្សាយពីចលនាអូឡាំពិក ជាពិសេសព្រឹត្តិការណ៍ធំ ឆ្នាំ២០២៣ ដែលកម្ពុជាធ្វើជាម្ចាស់ផ្ទះ។

រំលឹកដែរថា កម្មវិធី Sport For All ឬ កីឡាទាំងអស់គ្នា ដែលធ្វើឡើងជាលើកទី៣ នេះគឺបានបញ្ចប់ទៅហើយកាលពីថ្ងៃទី១៣ ខែវិច្ឆិកា ឆ្នាំ២០២០ នៅក្នុងខេត្តកំពង់ធំ៕