- 2020-10-27 07:04:36
- កីឡាផ្សេងៗ
CAMSOC៖ ប្រជុំបូកសរុបការងារត្រីមាសទី៣ និងលើកទិសដៅសំខាន់បន្តច្រើនចំណុច
- 2020-10-27 07:04:36
- ចំនួនមតិ 0 | ចំនួនចែករំលែក 0
CAMSOC៖ ប្រជុំបូកសរុបការងារត្រីមាសទី៣ និងលើកទិសដៅសំខាន់បន្តច្រើនចំណុច
ចន្លោះមិនឃើញ
គណៈកម្មការជាតិរៀបចំការប្រកួតកីឡាអាស៊ីអាគ្នេយ៍ លើកទី៣២ (CAMSOC) បើកកិច្ចប្រជុំរបស់ខ្លួនព្រឹកមិញបូកសរុបលទ្ធផលការងារនៅត្រីមាសទី៣ ក្រោមអធិបតីភាពសម្ដេចពិជ័យ ទៀ បាញ់ និងផ្នែកជំនាញផ្សេង។
ឯកឧត្ដម វ៉ាត់ ចំរើន អគ្គលេខាធិការ CAMSOC បានឲ្យដឹងក្រោយកិច្ចប្រជុំថា ព្រឹកមិញនេះប្រជុំលើវារៈច្រើនក្នុងនោះរួមមានពិធីការ នៃការបើក បិទ ស៊ីហ្គេម ការរត់ភ្លើងគប់ ការជួយជ្រោមជ្រែងពីអាជ្ញាធរ។
អ្នកជំនាញខាងកីឡាខាងលើនេះបន្តទៀតថា បន្ថែមពីនេះផ្ដោតពីយុទ្ធនាការផ្សព្វផ្សាយអប់រំសង្គម ស្នើបង្កើតសិក្ខាសាលា បញ្ចូលការយល់ដឹងដល់ប្រជាពលរដ្ឋម្នាក់លេងកីឡា ១មុខ និងកម្ពុជាស្អាត រួមទាំងបដិសណ្ឋាកិច្ចល្អជាដើម។ មួយវិញទៀតកិច្ចប្រជុំនេះគឺជំរុញលើគ្រប់ផ្នែកគណៈកម្មការជំនាញផ្សេងៗដើម្បីប្រសិទ្ធភាពការងារឲ្យរឹតតែប្រសើរឡើងបន្ថែម។
បញ្ជាក់ដែរថា កិច្ចប្រជុំបូកសរុបការងារត្រីមាស ទី៣ និងលើកទិសដៅបន្តរបស់ គណៈកម្មការជាតិរៀបចំកីឡាអាស៊ីអាគ្នេយ៍ លើកទី៣២ (CAMSOC) នេះធ្វើឡើងកាលពីព្រឹកមិញនៅវិមានសន្តិភាពក្រោមអធិបតេយ្យភាពសម្ដេចពិជ័យ ទៀ បាញ់ ប្រធាន (CAMSOC) តំណាងក្រសួងអប់រំ យុវជន និងកីឡា រួមហ្នឹងមន្ត្រីជំនាញផ្សេងៗទៀតផងដែរ៕