- 2020-10-26 02:29:24
- ប្រដាល់
សោម ពិសិដ្ឋ ក្លាយជាម្ចាស់ពាននៅសង្វៀនបាយ័ន អមដោយប្រាក់រង្វាន់ ១២លានរៀល
- 2020-10-26 02:29:24
- ចំនួនមតិ 0 | ចំនួនចែករំលែក 0
សោម ពិសិដ្ឋ ក្លាយជាម្ចាស់ពាននៅសង្វៀនបាយ័ន អមដោយប្រាក់រង្វាន់ ១២លានរៀល
ចន្លោះមិនឃើញ
អ្នកលេងគុនខ្មែរ សោម ពិសិដ្ឋ បានក្លាយជាម្ចាស់ពានរង្វាន់ស្រាបៀកម្ពុជា នៅឯសង្វៀនបាយ័ន ម្សិលមិញនេះលើប្រភេទទម្ងន់ ៦៣,៥គីឡូក្រាម អមដោយប្រាក់រង្វាន់ ១២លានរៀល។
កីឡាករ សោម ពិសិដ្ឋ បានឲ្យដឹងថា ខ្លួនពិតជាពិបាកក្នុងការយកឈ្នះលើ វី សម្ផស្ស ណាស់ម្សិលមិញនេះ ព្រោះដៃគូគេល្អកណ្ដាប់ដៃ និងមានសមត្ថភាពប្រកួតមិនធម្មតា។ ចំណុចពិសេសដែលខ្លួនអាចយកឈ្នះការប្រកួតនេះគឺដោយសារតែប្រើយុទ្ធសាស្ត្របណ្ដោយឲ្យ វី សម្ផស្ស វ៉ៃនៅទឹកដំបូងៗឲ្យអស់កម្លាំងសិន ឈានដល់ទឹក៤-៥ សន្ធាប់វ៉ៃយកពិន្ទុវិញ។
បញ្ជាក់ដែរថា កម្មវិធីប្រដាល់ដណ្ដើមពានរង្វាន់ ៦៣,៥គីឡូក្រាមរបស់សង្វៀនបាយ័ន បានបិទបញ្ចប់ការប្រកួតវគ្គផ្ដាច់ព្រ័ត្ររបស់ខ្លួនហើយម្សិលមិញនេះដោយជើងឯកលេខ១ បានលើ សោម ពិសិដ្ឋ លេខ២ វី សម្ផស្ស លេខ៣ ព្រឿង សុជាតិ និងលេខ៤ សល់ ពិសិដ្ឋ។ ម្ចាស់ពានទទួលបានប្រាក់រង្វាន់ ១២លានរៀល លេខ២ ទទួលបាន ៨លានរៀល លេខ៣ ទទួលបាន ៤លានរៀល និងលេខ៤ ទទួលបាន ៣លានរៀល៕