- 2020-10-25 01:57:12
- ប្រដាល់
គ្មានវត្តមានឪពុក ធ្វើឱ្យ Khabib សម្រេចចិត្តចូលនិវត្តពី UFC ជាមួយកំណត់ត្រាពិសេស
- 2020-10-25 01:57:12
- ចំនួនមតិ 0 | ចំនួនចែករំលែក 0
គ្មានវត្តមានឪពុក ធ្វើឱ្យ Khabib សម្រេចចិត្តចូលនិវត្តពី UFC ជាមួយកំណត់ត្រាពិសេស
ចន្លោះមិនឃើញ
កំពូលអ្នកវាយក្នុងទ្រុងរុស្ស៊ី Khabib Nurmagomedov បានប្រកាសចូលនិវត្ដន៍ពីអាជីពនេះទៅហើយ បន្ទាប់ពីយកឈ្នះលើជើងខ្លាំង Justin Gaethje កាលពីយប់មិញនេះ។
Khabib នៅតែធ្វើបានល្អដដែលសម្រាប់ការប្រកួតរបស់ខ្លួន និងក្លាយជាកីឡាករមិនចាញ់ទាល់តែសោះសម្រាប់ការប្រកួតកម្រិតទម្ងន់របស់ខ្លួន។ យ៉ាងណាមិញ បន្ទាប់ពីយកឈ្នះលើ Justin Gaethje បានហើយនិងរក្សាខ្សែក្រវាត់របស់ខ្លួន កីឡាកររុស្ស៊ីរូបនេះបានសម្រេចចិត្តបញ្ចប់អាជីពរបស់ខ្លួនត្រឹមនេះទៅហើយ។
បុរសវ័យ៣២ឆ្នាំបាននិយាយថា៖ “សូមអរគុណដល់ក្រុមទាំងអស់គ្នា ដែលបានជួយខ្ញុំមកដល់ចំណុចនេះ។ តែខ្ញុំសូមលាគ្រប់គ្នាត្រឹមនេះហើយ។ ខ្ញុំបានសន្យាជាមួយម្ដាយខ្ញុំថានេះជាប្រកួតចុងក្រោយរបស់ខ្ញុំហើយ។ គ្មានផ្លូវដែលខ្ញុំនឹងត្រលប់មកម្ដងទៀតនោះទេ ដោយគ្មានវត្តមានឪពុករបស់ខ្ញុំ។ នេះជាលើកដំបូងដែលខ្ញុំប្រកួត ក្រោយពីរឿងហេតុបានកើតលើឪពុករបស់ខ្ញុំ។ ខ្ញុំប្រាប់ម្ដាយខ្ញុំថាខ្ញុំនឹងឈប់វៃ ដូច្នេះខ្ញុំនឹងត្រូវគោរពសម្ដីរបស់ខ្ញុំ”។
រំលឹកថា Khabib បានបាត់បង់ឪពុកដោយសារតែជំងឺផង និងមេរោគកូវីដ១៩ផង។ សមាជិកគ្រួសាររបស់គេជាច្រើននាក់បានស្លាប់ដោយសារតែមេរោគកាចសាហាវមួយនេះ៕