- 2020-10-12 07:30:06
- បាល់ទាត់
Inter Milan ប្រកាស Young ក្លាយជាកីឡាករទី៦ឆ្លងកូរ៉ូណា
- 2020-10-12 07:30:06
- ចំនួនមតិ 0 | ចំនួនចែករំលែក 0
Inter Milan ប្រកាស Young ក្លាយជាកីឡាករទី៦ឆ្លងកូរ៉ូណា
ចន្លោះមិនឃើញ
ក្លឹប inter Milan បានប្រកាសថា ខ្សែបម្រើស្លាប Ashley Young បានតេស្ដវិជ្ជមានវីរុសកូរ៉ូណា។
ក្លឹបយក្សរបស់ Serie A មួយនេះបញ្ជាក់ថា អតីតកីឡាកររបស់ Manchester United ខាងលើកំពុងតែដាក់ឲ្យនៅដាច់ដោយឡែកពីគេ ក្រោយរកឃើញមេរោគ Covid-19 កាលពីថ្ងៃសៅរ៍ចុងសប្ដាហ៍កន្លងទៅនៅទីលានហ្វឹកហាត់។
Young បានចូលលេងគ្រប់ទាំង៣ប្រកួតក្នុងលីគកំពូលរបស់អ៊ីតាលីរដូវកាលនេះឲ្យក្រោមលោក Antonio Conte ហើយក៏ជាកីឡាករទី៦របស់ Inter ដែលមានផ្ទុកវីរុសកូរ៉ូណា។ ពេលនេះការភ័យខ្លាចកាន់តែកើនឡើងក្នុងប្រទេសអ៊ីតាលី ដោយជំនួប Derby រវាង Inter និង AC Milan គ្រោងលេងនៅថ្ងៃទី ១៧ ខែ តុលា អាចនឹងផ្អាក។
មើលតាមកាលវិភាគ ក្រុមលោក Conte នឹងលេងប្រកួតដំបូងនៅពាន Champions League ទល់នឹងជើងខ្លាំងមកពីអាល្លឺម៉ង់ Borussia Monchengladbach នៅថ្ងៃពុធសប្ដាហ៍ក្រោយ៕