- 2020-10-06 13:05:33
- បាល់ទាត់
អតីតជំនួយការ Kloppថា លោកបានដឹកនាំឲ្យក្លឹបជោគជ័យ តែគុណសម្បត្តិធ្លាក់ទៅលើអ្នកចាត់ការនេះទាំងអស់
- 2020-10-06 13:05:33
- ចំនួនមតិ 0 | ចំនួនចែករំលែក 0
អតីតជំនួយការ Kloppថា លោកបានដឹកនាំឲ្យក្លឹបជោគជ័យ តែគុណសម្បត្តិធ្លាក់ទៅលើអ្នកចាត់ការនេះទាំងអស់
ចន្លោះមិនឃើញ
លោក Zelijko Buvac នាយកកីឡាក្លឹប Dynamo Moscow បាននិយាយកាលពីពេលថ្មីៗនេះថា លោកបានដើរតួជាអ្នកចាត់ការជាង ១៧ឆ្នាំនៅពេលធ្វើជាជំនួយការឲ្យលោក Jurgen Klopp តែគុណសម្បត្តិបានទៅលើអ្នកចាត់ការក្លឹប Liverpool នេះទាំងអស់។
លោក Buvac បាននិយាយថា៖" ខ្ញុំដើរតួជាគ្រូបង្វឹកស្ទើរគ្រប់រឿង លើកលែងតែចូលសម្ភាសន៍ ឬ និយាយប្រាប់អ្នកកាសែតទេ" ។
លោកបានបន្តថា៖" ខ្ញុំបានព្យាយាមប្រើប្រាស់គ្រប់វិធីសាស្ត្រដើម្បីដឹកនាំក្រុមឲ្យជោគជ័យទាំងអស់គ្នាទៅតាមសមត្ថភាព ដែលខ្ញុំមាន។ ប៉ុន្តែគុណសម្បត្តិបានមកពីភាពជោគជ័យហ្នឹង ខ្ញុំមិនដែលយក និងទាមទារម្ដងណាឡើយ" ។
នៅពេលសួរថា លោកមានបានអបអរកីឡាករ Liverpool ឬ បុគ្គលិកណាទេ ពេលក្លឹបនេះឈ្នះ Premier League លោក Buvac ក៏បានឆ្លើយថា លោកមិនបានអបអរនរណាទេ តែលោកសប្បាយជួសក្លឹប និងអ្នកគាំទ្រ។
គួរបញ្ជាក់ផងដែរថា លោក Buvac ធ្លាប់បានធ្វើជាជំនួយការលោក Klopp ជាង ១៧ឆ្នាំតែបានចែកផ្លូវគ្នាកាលពីឆ្នាំមុន ដោយមិនមានមូលហេតុច្បាស់លាស់ពីការចាកចេញ៕