- 2020-09-25 02:08:27
- បាល់ទាត់
Suarez និយាយទាំងអួលដើមក ក្នុងសន្នីសិទ្ធិកាសែតលាមិត្តរួមក្រុម Barcelona
- 2020-09-25 02:08:27
- ចំនួនមតិ 0 | ចំនួនចែករំលែក 0
Suarez និយាយទាំងអួលដើមក ក្នុងសន្នីសិទ្ធិកាសែតលាមិត្តរួមក្រុម Barcelona
ចន្លោះមិនឃើញ
ខ្សែប្រយុទ្ធ Luis Suarez បាននិយាយទាំងអារម្មណ៍អួលអាក់ស្ទើរហូរទឹកភ្នែក ក្នុងថ្ងៃធ្វើសន្នីសិទ្ធិកាសែតចុងក្រោយលាមិត្តរួមក្រុមនិងក្រុម Barcelona កាលពីម្សិលមិញ។
Suarez នឹងផ្លាស់ទៅកាន់ក្លឹបប្រជែងក្នុងលីគ Atletico Madrid ក្នុងតម្លៃខ្លួន៦លានអឺរ៉ូ បញ្ចប់អាជីពរយៈពេល៦ឆ្នាំនៅ Barcelona។ នៅ Barca គេរកបាន១៩៨គ្រាប់ក្នុងការបង្ហាញខ្លួន២៨៣ប្រកួត ក្លាយជាអ្នករកគ្រាប់បានច្រើនជាងគេទី៣ក្នុងប្រវត្តិសាស្រ្ដក្លឹប។
ក្នុងសន្នីសិទ្ធិកាសែតដែលមានការចូលរួមពីប្រធានក្លឹបនិងកីឡាកររបស់ Barcelona ជាច្រើននាក់រួមទាំង Lionel Messi ផងនោះ Suarez បានបង្ហាញអារម្មណ៍ក្ដុកក្ដួលក្នុងចិត្តនិយាយទាំងអួលដើមកសម្រាប់ការចាកចេញរបស់ខ្លួន។
“ខ្ញុំចាកចេញជាមួយអារម្មណ៍ដែលខ្ញុំបានបំពេញការរំពឹងទុករួចទៅហើយ។ ខ្ញុំបានដឹងមុន ព្រោះតែគ្រូបានប្រាប់ខ្ញុំរួចរាល់ហើយ ប៉ុន្តែខ្ញុំអាចទទួលយកវាបាន។ កីឡាករពេលខ្លះត្រូវការផ្លាស់ប្ដូរ ហើយក្លឹបក៏ត្រូវការការផ្លាស់ប្ដូរដូចគ្នា ក្នុងករណីនេះគ្រូជាអ្នកមិនត្រូវការខ្ញុំ"។ សម្ដីរបស់ Suarez៕