គ្រូ U15 វិសាខា ទម្លាយកលល្បិច២ ដែលអាចយកឈ្នះ U18 បឹងកេតពាន KMH Cup 2020

2020-09-14 03:02:58
បាល់ទាត់

2020-09-14 03:02:58
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក ឡុង រិទ្ធា គ្រូបង្គោល U15 វិសាខាបានទម្លាយកលល្បិចរបស់ខ្លួន២ចំណុច ដែលអាចយកឈ្នះ បឹងកេត U18 វគ្គផ្ដាច់ព្រ័ត្រ ពាន KMH Cup 2020 ដោយលទ្ធផល ២-០ នៅទីលាន KMH Park កាលពីថ្ងៃ១២ ខែសីហា ឆ្នាំ២០២០។

គ្រូបង្វឹកខាងលើបានឲ្យដឹងថា ក្នុងការប្រកួតសន្សំពិន្ទុកន្លងមកក្រុមរបស់លោកមិនអាចយកឈ្នះយុវជនបឹងកេតបានទេ ពោលគឺចាញ់ និងបានត្រឹមស្មើប៉ុណ្ណោះ។ ប៉ុន្តែនៅវគ្គផ្ដាច់ព្រ័ត្រនេះក្រុមរបស់លោកបានរៀបចំរឿងពីរយ៉ាងនេះ ដើម្បីយកឈ្នះបឹងកេតគឺ ប្រើក្បួន ការពារ ដើម្បីវាយសុទ្ធតែម្ដង និងទីពីរ គឺលោកបានយកយុវជន U18 វិសាខា ពីររូបមកជួយក្រុមបន្ថែមនៅវគ្គពាក់កណ្ដាលផ្ដាច់ព្រ័ត្រ និងផ្ដាច់ព្រ័ត្រ។

គ្រូបង្វឹករូបនេះបានបញ្ជាក់ទៀតថា លោកប្រាប់កូនក្រុមឲ្យការពារកម្រិតខ្ពស់មួយ ធ្វើយ៉ាងណាបិទបឹងកេតមិនឲ្យទាត់ចូលទីរបស់ខ្លួន ហើយរង់ចាំឱកាសពេលកីឡាករបឹងកេតថមថយកម្លាំង វាយបក។ យ៉ាងណាការរៀបចំនេះបានឲ្យក្រុមរបស់លោកបានជោគជ័យរួចទៅហើយ។ លោកមើលឃើញថា ក្រុមទាំងពីរមានភាពខុសគ្នាបន្តិច ដោយសារយុវជនរបស់បឹងកេតភាគច្រើន ជាយុវជន U18 ស្របពេលក្រុមរបស់លោកភាគច្រើនជាយុវជន U16 និង U15 ។

សូមបញ្ជាក់ថា ការប្រកួតពានរង្វាន់ខាងលើក្រុមជើងឯកបានទៅលើយុវជនវិសាខា ជើងឯករងបានទៅលើក្រុមយុវជន បឹងកេត ក្រុមលេខ ៣ បានទៅលើក្រុម ISI Dangkor SenChey ដែលបានយកឈ្នះក្រុមបាល់ទាត់ ក្រុមនគរបាលជាតិ ដោយបាល់កាត់សេចក្ដីប៉េណាល់ទី ៥-៤ បន្ទាប់ពីស្មើគ្នា ៩០នាទី ២-២ ។