/5f5b3ca3a4ad3_1599814800_medium.jpg)
- 2020-09-11 12:00:12
- ព័ត៌មាន
អីយ៉ា! នៅសុខៗ Arteta ទទួលបានតំណែងថ្មីនៅក្លឹប Arsenal
- 2020-09-11 12:00:12
- ចំនួនមតិ 0 | ចំនួនចែករំលែក 0
អីយ៉ា! នៅសុខៗ Arteta ទទួលបានតំណែងថ្មីនៅក្លឹប Arsenal
ចន្លោះមិនឃើញ
ក្លឹប Arsenal នៅកាលពីម្សិលមិញ បានដំឡើងឋានៈវីរបុរសបាល់ទាត់របស់ខ្លួនលោក Mikel Arteta ពី "គ្រូបង្គោល" ទៅជា "អ្នកចាត់ការក្រុមឈុតធំ (First-Team Manager)" នេះបើតាមការទម្លាយរបស់Vinai Venkatesham នាយកប្រតិបត្តិរបស់ក្លឹបទៅកាន់ទូរទស្សន៍ Arsenal។
លោក Venkatesham បានបរិយាយថា លោក Arteta បានបំពេញលើសពីគ្រូបង្គោលទៅទៀត ចាប់តាំងពីការតែងតាំងនៅខែធ្នូមក។
លោកបានរៀបរាប់ថា តួនាទីរបស់ Arteta ក្នុងឋានៈថ្មីនេះគឺ បង្វឹកក្រុមឈុតធំ ដែលតួនាទីនេះជាតួនាទីចម្បង។ ក្រៅពីនេះ បុរសជនជាតិអេស្ប៉ាញរូបនេះនឹងធ្វើការគ្រប់គ្រង ជាមួយថ្នាក់ដឹកនាំក្លឹបទៅលើផ្នែកផ្សេងៗនៃប្រតិបត្តិការបាល់ទាត់ដូចជា ការនាំចូលកីឡាករយុវជនជាដើម។
បន្ថែមពីនេះទៀតលោក Arteta នឹងមានសិទ្ធិវិភាគក្នុងការទិញ ឬ លក់កីឡាករ ឬ បញ្ចេញកីឡាករទៅខ្ចីជើងនៅក្លឹបផ្សេងៗទៀត។ អ្វីដែលសំខាន់ជាងនេះទៀត លោកក៏មានទំនួលខុសត្រូវទាក់ទងនឹងរឿងហិរញ្ញវត្ថុ ដែលមានន័យថា លោកក៏មានសំឡេងក្នុងការសម្រេចចិត្តរបស់ក្លឹបទាក់ទងនឹងរឿងលុយកាក់ផងដែរ៕
