- 2020-08-11 07:21:52
- បាល់ទះ
ឌូក ថា ៦ស្មើអត់បញ្ហា សំខាន់ពេលណាទើបប្រកួតនេះកើតឡើង
- 2020-08-11 07:21:52
- ចំនួនមតិ 0 | ចំនួនចែករំលែក 0
ឌូក ថា ៦ស្មើអត់បញ្ហា សំខាន់ពេលណាទើបប្រកួតនេះកើតឡើង
ចន្លោះមិនឃើញ
ឥន្ទ្រីពិឃាត ឌូក បានបង្ហើបប្រាប់ឲ្យដឹងមុននេះថា «មិនអីទេបង។ សម្រាប់ខ្ញុំគ្មានបញ្ហាទេ កំដរបានគ្រប់ការប្រកួត»។ ការនិយាយបែបនេះក្រោយស្មាត់ ឌូក បានឃើញការចង់ឲ្យមានការប្រកួតមិត្តភាពផ្លូវការរបស់កីឡាករជម្រើសជាតិបាល់ទះកម្ពុជា ពិន សារុន ៦ ស្មើ។
ការលើកឡើងខាងលើរបស់ស្មាត់ ឌូក ក្នុងគោលបំណងចង់បានបទពិសោធដូច នឹងការចង់បានរបស់កីឡាករ ពិន សារុន ដូចគ្នា។ គេមើលឃើញថា កីឡាករកម្ពុជាដែលប្រឹងប្រែងហ្វឹកហាត់បាល់ទះតាមក្លឹបគ្មានការប្រកួត វាធ្វើឲ្យសមត្ថភាពមិនមានការរីកចម្រើនឡើយ។
ស្មាត់កម្ពស់ ១,៨៤ ម៉ែត្រខាងលើបន្ថែមថា ទោះប្រកួត ៦ ស្មើ ឬ ៤ ស្មើក៏គេអាចកំដរបាន។ ប៉ុន្តែអ្វីដែលសំខាន់គឺថា តើការប្រកួតនេះវាអាចកើតឡើងបានដែរឬទេ ហើយបើសិនជាអាចមានការប្រកួតនេះឡើងមែន គេពិតជាសប្បាយចិត្តជាមួយមិត្តរួមក្រុមកងពលអន្តរាគមន៍លេខ៣របស់គេ។
សូមបញ្ជាក់ថា ឌូក ជាកីឡាករជូរមុខរបស់កម្ពុជាផ្នែកកីឡាបាល់ទះ ដែលបានជាប់ជម្រើសជាតិចន្លោះឆ្នាំ២០១៥ ដល់ ២០១៨ ផ្នែកលើក្ដារ ព្រមទាំងជាកីឡាករជម្រើសជាតិបាល់ទះឆ្នេរខ្សាច់កាលពីឆ្នាំមុនផងដែរ៕