- 2020-08-07 12:10:56
- ព័ត៌មាន
ដឹកនាំបានលេខ ៩ គ្រូ Sheffield United ជាប់ជាបេក្ខភាពគ្រូបង្វឹកឆ្នើមប្រចាំឆ្នាំនៅ PL
- 2020-08-07 12:10:56
- ចំនួនមតិ 0 | ចំនួនចែករំលែក 0
ដឹកនាំបានលេខ ៩ គ្រូ Sheffield United ជាប់ជាបេក្ខភាពគ្រូបង្វឹកឆ្នើមប្រចាំឆ្នាំនៅ PL
ចន្លោះមិនឃើញ
អ្នកចាត់ការក្លឹប Sheffield United លោក Chris Wilder បានជាប់ជាបេក្ខភាពមួយរូបក្នុងចំណោមអ្នកចាត់ការ ៤រូប ក្នុងពានគ្រូបង្វឹកឆ្នើមប្រចាំរដូវកាល២០១៩/២០ នៅក្នុងក្របខ័ណ្ឌ Premier League។
លោកបានជួយឲ្យ Sheffield ឡើង Premier League កាលពីឆ្នាំ២០១៩ ហើយក្នុងឆ្នាំដំបូងនៅលីគកំពូលក្លឹបមួយនេះមានសមត្ថភាពឈរនៅពាក់កណ្ដាលតារាងនៃលីគ ដោយឈរលើចំណាត់ថ្នាក់លេខ ៩ ខណៈក្លឹបដែលឡើងមកជាមួយគ្នាដូចជា Aston Villa ប៊ិះធ្លាក់ទៅលីគទី២ ឯ Norwich City សំណាងអាក្រក់មិនអាចបន្តនៅ Premier League បានមួយឆ្នាំទេ។
លោក Wilder បានជួយឲ្យក្លឹប Sheffield ឈ្នះ ១៤ដង ស្មើ ១២ដង និងចាញ់ ១២ដង ហើយមាន ៥៤ពិន្ទុ។
គួរបញ្ជាក់ផងដែរថា បេក្ខភាព ៣រូបផ្សេងទៀតគឺ លោក Jurgen Klopp អ្នកចាត់ការក្លឹប Liverpool លោក Frank Lampard គ្រូបង្គោល Chelsea និងលោក Brendan Rodgers អ្នកចាត់ការក្លឹប Leicester City៕