- 2020-07-22 11:47:22
- បាល់ទាត់
Donnarumma អាយុទើបតែ ២១ឆ្នាំសោះ បង្ហាញខ្លួនឲ្យ AC Milan បាន២០០ប្រកួតបាត់
- 2020-07-22 11:47:22
- ចំនួនមតិ 0 | ចំនួនចែករំលែក 0
Donnarumma អាយុទើបតែ ២១ឆ្នាំសោះ បង្ហាញខ្លួនឲ្យ AC Milan បាន២០០ប្រកួតបាត់
ចន្លោះមិនឃើញ
អ្នកចាំទីអ៊ីតាលីវ័យក្មេងកីឡាករ Gianluigi Donnarumma បានបង្ហាញខ្លួនឲ្យក្លឹប AC Milan បាន ២០០ប្រកួត ក្រោយពីចូលលេងក្នុងប្រកួតទល់នឹង Sassuolo កាលពីយប់ថ្ងៃអង្គារ។
តាមរយៈការបង្ហាញខ្លួន ២០០ប្រកួតនេះដែរ កីឡាកររូបនេះបានវ៉ាដាច់កំណត់ត្រារបស់អ្នកចាំទីអ៊ីតាលីចាស់វស្សាកីឡាករ Gianluigi Buffon ដោយកាលពីអាយុ ២១ឆ្នាំ Buffon បង្ហាញខ្លួនបាន ១៣៤ប្រកួតក្នុងក្លឹបអាជីព។
ចំពោះទម្រង់លេងវិញ Donnarumma ត្រូវបានមជ្ឈដ្ឋានបាល់ទាត់ទូទៅយល់ថា មានទម្រង់លេងល្អ ដោយគេរកបាន Clean Sheet យ៉ាងតិច ១០ដងក្នុងមួយរដូវកាល នៅរយៈពេល ៥ឆ្នាំចុងក្រោយ ខណៈសារព័ត៌មាន 90min ចុះផ្សាយថា កីឡាកររូបនេះសង្គ្រោះគ្រាប់បាល់បានច្រើនជាង អ្នកចាំទី Atletico Madrid កីឡាករ Jan Oblak និងអ្នកចាំទី Barcelona កីឡាករ Marc Andre Ter Stegen ទៀតផង។
គួររម្លឹកផងដែរថាDonnarumma បានបង្ហាញខ្លួនដំបូងក្នុងអាយុ ១៦ឆ្នាំនាឆ្នាំ២០១៥។ កីឡាកររូបនេះត្រូវបានដំឡើងមកអ្នកចាំទីដៃទី១ របស់ AC Milan នៅឆ្នាំ២០១៧ ហើយក៏ពេលនេះគេក៏ជាអ្នកចាំទីដៃទី១ ក្រុមជម្រើសអ៊ីតាលីផងដែរ៕