- 2020-07-18 03:51:28
- ប្រដាល់
Rodtang ថាបារម្ភតែ១ចំណុចគត់ ពេលប៉ះ Petchdam នៅសង្វៀន ONE ចុងខែនេះ
- 2020-07-18 03:51:28
- ចំនួនមតិ 0 | ចំនួនចែករំលែក 0
Rodtang ថាបារម្ភតែ១ចំណុចគត់ ពេលប៉ះ Petchdam នៅសង្វៀន ONE ចុងខែនេះ
ចន្លោះមិនឃើញ
Rodtang Jitmuangnon នឹងប្រកួតការពារខ្សែក្រវាត់ Muay Thai ប្រភេទទម្ងន់ Flyweight (៦១,២គីឡូក្រាម) របស់ខ្លួន ទល់នឹងគូប្រកួតចាស់ Petchdam Petchyindee Academy នាថ្ងៃទី៣១ ខែកក្កដាខាងមុខនេះ ក្នុងកម្មវិធី ONE: NO SURRENDER នៅរាជធានីបាងកក ប្រទេសថៃ។
តាមពិតទៅកីឡាកររួមជាតិទាំង២នាក់នេះ មិនធ្លាប់ជួបគ្នានៅសង្វៀន ONE នោះទេ ដោយសារកន្លងមក Rodtang ប្រកួតវិញ្ញាសា Muay Thai ខណៈ Petchdam ប្រកួត Kickboxing។ តែបើគិតពីមុនចូល ONE អ្នកប្រដាល់វ័យ ២២ឆ្នាំដូចគ្នានេះ ធ្លាប់ប៉ះគ្នា ២ដងមកហើយ ដោយឈ្នះម្ដងម្នាក់។ ជួបគ្នាលើកទី១ កាលពីឆ្នាំ២០១៧ Petchdam ឈ្នះពិន្ទុ នៅសង្វៀន Rajadamnern។ ជួបលើកទី២ ឆ្នាំ២០១៨ លើសង្វៀនដដែល Rodtang ជាអ្នកឈ្នះពិន្ទុវិញម្ដង។
នៅមុនជួបគ្នាលើកទី៣ Rodtang ក្នុងនាមជាម្ចាស់ខ្សែក្រវាត់ បាននិយាយថា៖
"Petchdam បានចាញ់ដោយសន្លប់ក្នុងប្រកួតចុងក្រោយ ពេលប្រកួតការពារខ្សែក្រវាត់ Kickboxing របស់ខ្លួន ដូច្នេះប្រកួតនេះ គាត់នឹងព្យាយាមសាងទំនុកចិត្ត និងស្ដារមុខមាត់ឡើងវិញ។ ខ្ញុំមិនមានអ្វីត្រូវបារម្ភនោះទេ ហើយខ្ញុំគិតថាការប្រកួតនេះ នឹងជក់ចិត្តខ្លាំង។ ប្រសិនបើនិយាយពីចំណុច១ ដែលខ្ញុំបារម្ភ គឺខ្ញុំបារម្ភថាគាត់នឹងវាយថយ ដោយមិននៅតទល់កៀកគ្នានឹងខ្ញុំ។ គាត់ប្រហែលជាអាចថយ រួចចាំត្រង និងទាត់សងមកវិញ។ តែខ្ញុំចង់ឲ្យការប្រកួតនេះ ក្លាយជាការប្រកួតដ៏ល្អមើលបំផុតប្រចាំព្រឹត្តិការណ៍ទាំងមូល ដូច្នេះបើគាត់ថយ ដើម្បីវាយសន្សំពិន្ទុ ខ្ញុំនឹងរកយុទ្ធសាស្រ្ដផ្សេងទៀត ដើម្បីបញ្ចប់គាត់"។
សូមបញ្ជាក់ថា ក្រៅពីគូឯកនេះ នៅមាន ៥គូខ្លាំងៗទៀត ក្នុងព្រឹត្តិការណ៍ ONE: NO SURRENDER។ គូប្រកួតទាំងអស់ មានដូចខាងក្រោម៖
រូបភាព៖ ONE Champinoship