- 2020-07-11 03:47:27
- បាល់ទាត់
Pep ថាក្នុងបេះដូង និងខួរក្បាល គិតតែធ្វើមិចឈ្នះ Madrid ប៉ុណ្ណោះ
- 2020-07-11 03:47:27
- ចំនួនមតិ 0 | ចំនួនចែករំលែក 0
Pep ថាក្នុងបេះដូង និងខួរក្បាល គិតតែធ្វើមិចឈ្នះ Madrid ប៉ុណ្ណោះ
ចន្លោះមិនឃើញ
ការប្រកួត UEFA Champions League វគ្គ៨ក្រុមចុងក្រោយបានចាប់ឆ្នោតរួចហើយ ប៉ុន្តែក្រុមដែលត្រូវប៉ះគ្នានៅវគ្គ១៦ក្រុមចុងក្រោយជើងទី២ក៏ត្រូវប្រកួតគ្នាស្វែងរកអ្នកឈ្នះបន្ដទៀតដែរ។
ក្នុងនោះ ក្រុម Manchester City ត្រូវទទួលស្វាគមន៍ក្រុមភ្ញៀវ Real Madrid សម្រាប់ជើងទី២នៅដើមខែសីហាខាងមុខនេះ ស្របពេលជើងទី១កន្លងទៅ ពួកគេបានយកឈ្នះក្នុងលទ្ធផល ២-១ រួចមកហើយ។ លទ្ធផលត្រឹម២-១ មិនទាន់កក់ក្ដៅសម្រាប់ក្រុមមេឃខៀវឡើយ បើតាមលោក Pep នឹងផ្ដោតលើការប្រកួតនេះជាធំ ហើយត្រូវធ្វើគ្រប់យ៉ាងទើបអាចឆ្លងផុតក្រុមរបស់លោក Zidane បាន។
សម្រាប់លទ្ធផលចាប់ផ្ដើមវិញ នៅវគ្គ៨ក្រុមចុងក្រោយនេះគឺ៖
១. ក្លឹប Manchester City/Real Madrid នឹងប៉ះជាមួយ Juventus/Lyon។
២. ក្លឹប RB Leipzig នឹងត្រូវប្រកួតជាមួយ ក្លឹប Atletico Madrid។
៣. ក្លឹប Barcelona/Napoli នឹងត្រូវប្រកួតជាមួយ ក្លឹប Bayern Munich/Chelsea ។
៤. ក្លឹប Atlanta នឹងត្រូវប្រកួតជាមួយ ក្លឹប Paris Saint-Germain ។
ប្រកួតក្នុងវគ្គ៨ក្រុមចុងក្រោយ នឹងធ្វើឡើងពីថ្ងៃទី១២ ដល់ថ្ងៃទី១៥ ខែសីហា ឆ្នាំ២០២០ នៅរដ្ឋធានីលីស្បោន ប្រទេសព័រទុយហ្គាល់ ដោយលេងតែមួយជើងទេ។ ចំពោះវគ្គ ១៦ក្រុមចុងក្រោយដែលនៅសល់ ៤គូ (Man City ប៉ះ Real Madrid, Juventus ប៉ះ Lyon, Barcelona ប៉ះ Napoli និង Bayern Munich ប៉ះ Chelsea) នឹងត្រូវលេងនៅកីឡដ្ឋានម្ចាស់ផ្ទះរៀងៗខ្លួន ដោយនឹងលេងនៅថ្ងៃទី៧ និងទី៨ ខែសីហា។
ខណៈប្រកួតវគ្គពាក់កណ្ដាលផ្ដាច់ព្រ័ត្រវិញ នឹងត្រូវលេងដូចទម្រង់ខាងក្រោម៖
១. អ្នកឈ្នះវគ្គ៨ក្រុម គូទី១ នឹងត្រូវប៉ះជាមួយអ្នកឈ្នះវគ្គ ៨ក្រុមគូទី៣។
២. អ្នកឈ្នះវគ្គ៨ក្រុម គូទី២ នឹងត្រូវប៉ះជាមួយអ្នកឈ្នះវគ្គ ៨ក្រុមគូទី៤។
ប្រកួតវគ្គពាក់កណ្ដាលផ្ដាច់ព្រ័ត្រនឹងលេងនៅថ្ងៃទី១៨ និងថ្ងៃទី១៩ នៅរដ្ឋធានីលីស្បោនដដែល និងលេងតែមួយជើងទេ។ ចំពោះវគ្គផ្ដាច់ព្រ័ត្រវិញនឹងត្រូវលេងនៅថ្ងៃទី២៣ ខែសីហា ឆ្នាំ២០២០ នៅប្រទេសព័រទុយហ្គាល់៕