- 2020-06-28 01:30:00
- ប្រដាល់
១ឆ្នាំចុងក្រោយ មានអ្នកប្រដាល់អាជីព ៣រូប បាត់បង់ជីវិតដោយសារការប្រកួត (វីដេអូ)
- 2020-06-28 01:30:00
- ចំនួនមតិ 0 | ចំនួនចែករំលែក 0
១ឆ្នាំចុងក្រោយ មានអ្នកប្រដាល់អាជីព ៣រូប បាត់បង់ជីវិតដោយសារការប្រកួត (វីដេអូ)
ចន្លោះមិនឃើញ
ត្រឹមរយៈពេល ១ឆ្នាំចុងក្រោយ ពោលគឺគិតចាប់ពីខែកក្កដា ឆ្នាំ២០១៩ មក គឺមានអ្នកប្រដាល់អាជីព ៤រូប ដែលបានស្លាប់ ដោយសារការប្រកួតលើសង្វៀន។ អ្នកប្រដាល់ទាំង ៤រូបនោះ មានដូចខាងក្រោម៖
១. Maxim Dadashev (ជនជាតិរុស្ស៊ី អាយុ ២៨ឆ្នាំ) ស្លាប់ក្រោយការប្រកួតទល់នឹងអ្នកប្រដាល់ព័រតូរីកូ Subriel Matías កាលពីថ្ងៃទី ១៩ កក្កដា ២០១៩
គ្រូបង្វឹករបស់ Maxim Dadashev បាននិយាយប្រាប់ Maxim ឲ្យបោះបង់ការប្រកួតត្រឹមទឹកទី១១ ក្រោយឃើញកូនសិស្សរបស់ខ្លួន រងកណ្ដាប់ដៃជាច្រើន។ ក្រោយបោះបង់ការប្រកួត Dadashev បានបាត់បង់ស្មារតី អំឡុងពលេបញ្ជូនទៅកាន់មន្ទីរពេទ្យ ដើម្បីវះកាត់ខួរក្បាល។ ៣ថ្ងៃក្រោយមក អ្នកប្រដាល់វ័យ ២៨ឆ្នាំ បានបាត់បង់ជីវិត ដោយសាររងការទង្គិចក្បាលធ្ងន់ធ្ងរពេក។
២. Boris Stanchov (ជនជាតិប៊ុលហ្គារី អាយុ ២១ឆ្នាំ) ស្លាប់អំឡុងការប្រកួតទល់នឹងអ្នកប្រដាល់អាល់បានី Ardit Murja កាលពីថ្ងៃទី២១ ខែកញ្ញា ឆ្នាំ២០១៩
Boris Stanchov បានដួលសន្លប់ ដោយសារគាំងបេះដូង ក្នុងទឹកទី៥។ ភ្លាមៗនោះ ការប្រកួតត្រូវបញ្ឈប់ ហើយក្រុមគ្រូពេទ្យបានឡើងជួយសង្រ្គោះ ប៉ុន្តែមិនទទួលជោគជ័យនោះទេ។
៣. Patrick Day (ជនជាតិអាមេរិកាំង អាយុ ២៧ឆ្នាំ) ស្លាប់ក្រោយការប្រកួតទល់នឹងអ្នកប្រដាល់រួមជាតិ Charles Conwell កាលពីថ្ងៃទី១៦ ខែតុលា ឆ្នាំ២០១៩
Patrick Day ត្រូវគូប្រកួតវាយឲ្យដួល ៣ដង ហើយការដួលចុងក្រោយ គឺត្រូវក្បាលធ្ងន់ធ្ងរ រហូតអាជ្ញាកណ្ដាលបញ្ឈប់ការប្រកួតភ្លាមៗ។ អ្នកប្រដាល់វ័យ ២៧ឆ្នាំ ត្រូវបានបញ្ជូនទៅមន្ទីរពេទ្យភ្លាមៗ ដើម្បីវះកាត់ខួរក្បាលបន្ទាន់។ ៤ថ្ងៃក្រោយមក Patrick Day ត្រូបានប្រកាសថាស្លាប់ ដោយសាររបួសខួរក្បាលធ្ងន់ធ្ងរ។
ចុចអាន៖