- 2020-06-15 08:00:14
- ប្រដាល់
Pacquiao ធ្លាប់មានអនុស្សាវរីយ៍ជូរចត់ចូលមួយដៃសន្លប់ស្ដូក ប្រពន្ធយំហ៊ូ
- 2020-06-15 08:00:14
- ចំនួនមតិ 0 | ចំនួនចែករំលែក 0
Pacquiao ធ្លាប់មានអនុស្សាវរីយ៍ជូរចត់ចូលមួយដៃសន្លប់ស្ដូក ប្រពន្ធយំហ៊ូ
ចន្លោះមិនឃើញ
នរណាៗក៏ស្គាល់ពីសមត្ថភាពប្រកួតរបស់ខ្លាកំណាចអាស៊ី Manny Pacquiao ប៉ុន្តែកាលពី៨ឆ្នាំមុនគេសន្លប់មិនដឹងខ្លួនដោយសារស្នាដៃគូប្រយុទ្ធរយឆ្នាំ Juan Manuel Marquez សញ្ជាតិម៉ិកស៊ិក។
Pacquiao និង Marquez ត្រូវបានគេផ្គូផ្គងឲ្យជួបគ្នាជាលើកទី៤ កាលពីឆ្នាំ២០១២ ដែលទីតាំងប្រកួតរៀបចំនៅ MGM Grand Garden Arena រដ្ឋ Nevada សហរដ្ឋអាមេរិក។ ក្នុងជំនួប៣លើកកន្លងទៅអ្នកប្រដាល់សញ្ជាតិហ្វីលីពីនឈ្នះ២ដង និងស្មើគ្នាម្ដង។
ក្នុងការប្រកួតដែលកាលនោះ Pacquiao មានវ័យទើបតែ៣៣ឆ្នាំ អ្នកទាំងពីរបានប្រកួតប្ដូរគ្នាមែនទែន ដោយមិនចាំបាច់ស្ទាបស្ទង់ព្រោះធ្លាប់ជួបគ្នាច្រើនដងមកហើយ។ រឿងភ្ញាក់ផ្អើលបានកើតឡើងនៅចុងទឹកទី៦ នាទី២:៥៩វិនាទី Marquez បានម៉ាត់ចូលមុខ Pacquiao មួយដៃពេញ សំឡេងជួងក៏បានបន្លឺឡើង ស្របពេលដែល Manny សន្លប់បាត់មាត់ឈឺងទៅហើយ។
មិនធ្លាប់ឃើញស្ថានភាពប្ដីពីមុនបែបនេះ អ្នកស្រី Jinkee Pacquiao ដែលជាប្រពន្ធរបស់ Pacquiao បានស្រែកយំនៅក្រោមសង្វៀនយ៉ាងខ្លាំង។ វាជាការសងសឹកបានសម្រេចសម្រាប់ Marquez ហើយក៏ជារឿងអាម៉ាស់ចំពោះ Pacquiao ដែលចាញ់់២ប្រកួតជាប់គ្នា ពោលប្រកួតមុនគេទើបតែបរាជ័យដោយសារតែ Timothy Bradley៕