- 2020-06-10 11:15:49
- កីឡាផ្សេងៗ
CAMSOC ប្រជុំសប្ដាហ៍នេះផ្ដោតលើផែនការពិធីបើក បិទ ស៊ីហ្គេម ២០២៣
- 2020-06-10 11:15:49
- ចំនួនមតិ 0 | ចំនួនចែករំលែក 0
CAMSOC ប្រជុំសប្ដាហ៍នេះផ្ដោតលើផែនការពិធីបើក បិទ ស៊ីហ្គេម ២០២៣
ចន្លោះមិនឃើញ
នេះបើតាមការបង្ហោះផ្សព្វផ្សាយលើផេក Cambodia SEA GAMES 2023 នៅថ្ងៃនេះបានបញ្ជាក់ថា សម្រាប់ការប្រជុំប្រចាំសប្ដាហ៍នេះដែលដឹកនាំដោយឯកឧត្ដម ថោង ខុន អនុប្រធាន CAMSOC និងឯកឧត្ដម វ៉ាត់ ចំរើន អគ្គលេខាធិការគឺផ្ដោតលើផែនការពិធីបើក និងពិធីបិទ នៅពេលកម្ពុជារៀបចំធ្វើម្ចាស់ផ្ទះស៊ីហ្គេម ២០២៣។
ឯកឧត្ដម វ៉ាត់ ចំរើន បានឲ្យដឹងថា កិច្ចប្រជុំនេះសម្រេចបាននូវគម្រោងឆ្អឹងផែនការនៃពិធីបើក និងបិទនេះរួចហើយ។ ពិធីបើក បិទ នេះគឺមានសារសំខាន់ និងជាពិធីបង្ហាញពីសក្ដានុពល វប្បធម៌ជាតិ សេដ្ឋកិច្ចជាតិ ទេសចរណ៍ជាដើម និងជាកំណត់ត្រាជាប្រវត្តិសាស្ត្ររបស់កម្ពុជាទៀតផង ដូច្នេះហើយត្រូវចាប់ផ្ដើមធ្វើពីឥលូវនេះទៅ។
អ្នកជំនាញខាងកីឡាខាងលើនេះបន្តប្រាប់ទៀតថា ផែនការនិមួយៗត្រូវបានធ្វើលំអិតដើម្បីសម្រេចថាយកទៅឆ្លងសម្ដេច ទៀ បាញ់ និងសម្ដេចតេជោ ហ៊ុន សែន ប្រមុខរាជរដ្ឋាភិបាល។ កិច្ចប្រជុំនេះបានពិភាក្សាលំអិតនៃសកម្មភាពពីមួយដំណាក់កាលទៅមួយដំណាក់កាលទៀត និងត្រូវបូកបញ្ចូលនូវសកម្មភាពដែលមានសារសំខាន់ណាខ្លះដើម្បីឲ្យមានភាពចាប់អារម្មណ៍ក៏ដូចជាពិសេសៗនៅពេលនោះ។ រំលឹកដែរថា CAMSOC បានបើកកិច្ចប្រជុំរាល់សប្ដាហ៍ដែលពិភាក្សាអំពីកិច្ចការផ្សេងៗដំណើរការពិធីស៊ីហ្គេម លើកទី៣២ ដែលកម្ពុជាធ្វើជាម្ចាស់ផ្ទះ៕
វីដេអូ៖