- 2020-06-05 08:16:41
- បាល់ទាត់
Griezmann៖ ខ្ញុំចង់បញ្ចប់អាជីពរបស់ខ្ញុំនៅអាមេរិក
- 2020-06-05 08:16:41
- ចំនួនមតិ 0 | ចំនួនចែករំលែក 0
Griezmann៖ ខ្ញុំចង់បញ្ចប់អាជីពរបស់ខ្ញុំនៅអាមេរិក
ចន្លោះមិនឃើញ
នៅអាយុ ៣២ ឬ ៣៣ឆ្នាំ ខ្សែប្រយុទ្ធរបស់ Barcelona, Antoine Griezmann បង្ហើបថា រូបគេបានត្រៀមខ្លួនរួចជាស្រេច ក្នុងការបញ្ចប់អាជីពខ្លួននៅ Major League Soccer សហរដ្ឋអាមេរិក កន្លែងកីឡាករល្បីៗជាច្រើនបាននឹងកំពុងលេង និងធ្លាប់លេង។
នៅរដូវកាលនេះ គេឃើញអតីតខ្សែប្រយុទ្ធ Man Utd និង Real Madrid Javier Hernandez លេងឱ្យ LA Galaxy ចំណែកអតីតខ្សែការពារ Spurs កីឡាករ Victo Wanyama ត្រូវបានភ្ជាប់ទៅចូលរួមក្លឹប Montreal Impact។
វាជាក្ដីសុបិនរបស់ Griezmann ក្នុងការបញ្ចប់អាជីពនៅអាមេរិក ប៉ុន្តែខ្សែប្រយុទ្ធបារាំងនៅតែចង់ឈ្នះពានផ្សេងទៀតជាមួយ Barca រហូតដល់ឆ្នាំ២០២២។
Griezmann ប្រាប់ Los Angeles Times ថា ៖«ឈ្នះ La Liga និង Champion League ជាមួយ Baeca គឺជាក្ដីសុបិន និងជាគោលបំណងរបស់ខ្ញុំ។ បន្ទាប់ពីឈ្នះ អ្វីៗនឹងកើតឡើង។ នៅពាន World Cup មួយទៀត គឺ World Cup នៅ Qatar ហើយបន្ទាប់មកគឺ MLS។ ខ្ញុំនៅមិនទាន់ដឹងលេងឱ្យក្រុមណាទេ ប៉ុន្តែខ្ញុំពិតជាចង់ទៅលេងនៅទីនោះ។ សម្រាប់ខ្ញុំ វាជាគោលបំណងបញ្ចប់អាជីពខ្ញុំនៅអាមេរិក ដែលគិតថាខ្ញុំនឹងលេងបានល្អ ជាផ្នែកធំមួយសម្រាប់ក្រុម និងប្រឹងដើម្បីឈ្នះពាន»៕