- 2020-06-02 02:18:13
- បាល់ទាត់
លេចរឿង Ronaldo វិះនឹងទៅ AC Milan មុនទៅ Juventus ប៉ុន្តែជួបបញ្ហាមួយ
- 2020-06-02 02:18:13
- ចំនួនមតិ 0 | ចំនួនចែករំលែក 0
លេចរឿង Ronaldo វិះនឹងទៅ AC Milan មុនទៅ Juventus ប៉ុន្តែជួបបញ្ហាមួយ
ចន្លោះមិនឃើញ
Cristiano Ronaldo វិះនឹងចុះកុងត្រាជាមួយក្លឹប AC Milan ទៅហើយ មុនពេលទៅចូលរួមជាមួយ Juventus កាលពីឆ្នាំ២០១៨។ នេះបើតាមការទម្លាយឲ្យដឹងពីលោក Massimiliano Mirabelli ដែលជាអតីតនាយកផ្នែកកីឡារបស់ Milan។
កីឡាករសញ្ជាតិព័រទុយហ្គាល់បានធ្វើឲ្យពិភពលោកភ្ញាក់ផ្អើលខ្លាំងនៅឆ្នាំ២០១៨ ពេលដែលគេប្រកាសចាកចេញពី Real Madrid បន្ទាប់ពីចំណាយពេលជិត១០ឆ្នាំនៅអេស្ប៉ាញ។ ពេលដែល Ronaldo កំពុងស្ថិតនៅលើទីផ្សារលក់ AC Milan ត្រូវបានរាយការណ៍ថា ខិតជិតទិញបានគេទៅហើយ តែប្រធានក្លឹបដែលជាជនជាតិចិនលោក Li Yonghong បានបដិសេធវិញ ព្រោះតែបញ្ហាហិរញ្ញវត្ថុ។
ដោយសារតែរឿងនេះ វាបានក្លាយជាឱកាសល្អសម្រាប់ Juventus ឆក់យក Ronaldo បានតែម្ដងក្នុងតម្លៃ១០០លានផោន។ លោក Massimiliano បាននិយាយថា វិបត្តិហិរញ្ញវត្ថុនេះហើយដែលធ្វើឲ្យការផ្ទេររលាយ។ នៅគ្រានោះ Ronaldo អាចនឹងពាក់អាវក្រហមឆ្នូតខ្មៅ ប្រសិនបើប្រធានក្លឹប AC Milan ជាអ្នកផ្សេង៕