- 2020-05-20 00:11:52
- បាល់ទាត់
ប្រមុខ UEFA ជឿជាក់ថាពានធំៗអឺរ៉ុប UCL និង UELនៅតែអាចបញ្ចប់ត្រឹមខែសីហា
- 2020-05-20 00:11:52
- ចំនួនមតិ 0 | ចំនួនចែករំលែក 0
ប្រមុខ UEFA ជឿជាក់ថាពានធំៗអឺរ៉ុប UCL និង UELនៅតែអាចបញ្ចប់ត្រឹមខែសីហា
ចន្លោះមិនឃើញ
Aleksander Ceferin ប្រមុខសហព័ន្ធបាល់ទាត់ទ្វីបអឺរ៉ុបនៅតែជឿជាក់ថាកម្មវិធី Champions League និង Europa League នៅតែអាចបញ្ចប់រដូវកាលរបស់ខ្លួនបានដោយប្រើពេលត្រឹមខែសីហាខាងមុខ។
ការនិយាយបែបនេះក្រោយពេលលីគកំពូលធំៗ មួយចំនួននៅពាសពេញទ្វីបអឺរ៉ុបកំពុងរាំងស្ទះមិនអាចបន្តការប្រកួតបានដោយសារការរាតត្បាតមេរោគកូវីដ-១៩ ខណៈលីគមួយចំនួនដូចជា ហូឡង់, បែលហ្សិក និងបារាំងក៏បានប្រកាសរំសាយចោលហើយដែរ។
សកម្មភាពបាល់ទាត់ត្រូវបានផ្អាកតាំងពីខែមិនាមកម្ល៉េះ ប៉ុន្តែ Bundesliga បានចាប់ផ្ដើមប្រកួតមុនគេដោយបិទទ្វារគ្មានអ្នកគាំទ្រ។ Premier League ក៏ចាប់ផ្ដើមហ្វឹកហាត់បណ្ដើរៗហើយដែរ យ៉ាងណាពានអឺរ៉ុបអាចបន្តបានឬអត់អាស្រ័យលើស្ថានភាពជាក់ស្ដែងដោយការកម្មវិធីនេះមិនទាន់ចប់វគ្គ១៦ក្រុមស្រួលបួលផង៕
