- 2020-05-11 06:54:47
- បាល់ទាត់
កីឡាករ La Liga និងលីគទី២អេស្ប៉ាញ៥នាក់កើត Covid-19
- 2020-05-11 06:54:47
- ចំនួនមតិ 0 | ចំនួនចែករំលែក 0
កីឡាករ La Liga និងលីគទី២អេស្ប៉ាញ៥នាក់កើត Covid-19
ចន្លោះមិនឃើញ
កីឡាករអាជីព៥នាក់លេងនៅក្របខ័ណ្ឌលីគកំពូល La Liga និងលីគទី២ Segunda របស់អេស្ប៉ាញ ត្រូវបានគេធ្វើតេស្តវិជ្ជមានមេរោគ Covid-19 មុនចូលហ្វឹកហាត់ឡើងវិញ ដើម្បីបន្តការប្រកួតរដូវកាលឆ្នាំ ២០១៩-២០២០ ជាថ្មី។
La Liga បានអះអាងកីឡាកររបស់ខ្លួន បានធ្វើតេស្តវិជ្ជមានមេរោគរាតត្បាតដ៏កាចសាហាវនេះ ប៉ុន្តែពួកគេគ្រាន់តែចេញរោគសញ្ញាប៉ុណ្ណោះ។ អត្តសញ្ញាណកីឡាករ២នាក់ប្រកបអាជីពនៅលីគទី២ មិនត្រូវបានទម្លាយឱ្យដឹងទេ ចំណែកក្លឹប Real Betis បានប្រកាសថា កីឡាករ Joel Robles, Alfonso Pedraza និង Juanmi Jimenez របស់ខ្លួនបានឆ្លងជំងឺ Covid-19។
កីឡាករនឹងត្រូវបានដាក់ដោយឡែក ហើយនឹងត្រូវបានគេធ្វើតេស្តនៅថ្ងៃបន្ទាប់ ដើម្បីឱ្យដឹងថាពួកគេនៅតែឆ្លងទៀតឬយ៉ាងណា។ La Liga ក៏បានឱ្យដឹងដែរថា ពួកគេនឹងផ្ដល់ការធ្វើតេស្តដល់គ្រួសារកីឡាករដែលបានផ្ទុក។
យ៉ាងណាលោកវេជ្ជបណ្ឌិត Rafael Ramos ប្រធានសមាគមគ្រូពេទ្យបាល់ទាត់អេស្ប៉ាញ បានបញ្ជាក់ថា ក្រុមនៅ La Liga ទាំងមូល នឹងមិនចាំបាច់ផ្តាច់ខ្លួនឡើយ ប្រសិនបើកីឡាករម្នាក់ ឬច្រើនធ្លាក់ខ្លួនឈឺ។
បណ្ដាក្លឹបនៅអេស្ប៉ាញ បានចាប់ផ្តើមហ្វឹកហាត់ឡើងវិញហើយ បន្ទាប់ពីឈប់សម្រាកមួយរយៈ ចំណែកក្លឹប Atletico Madrid ដែលបានវិលត្រឡប់ទៅហ្វឹកហាត់វិញកាលពីថ្ងៃសៅរ៍ ក៏ត្រូវគេរាយការណ៍ថា ខ្សែការពារ Renan Lodi មានផ្ទុកជមងឺនេះដូចគ្នា។ ចំណែកក្លឹប Barcelona ក្នុងសប្ដាហ៍នេះក៏បានធ្វើតេស្តកីឡាកររួចហើយដែរ ដោយលទ្ធផលអវិជ្ជមាន អាចហ្វឹកហាត់ជុំគ្នាបាន។
ក្លឹបទាំង២០នៅ LaLiga បានទទួលភ្លើងខៀវពីរដ្ឋាភិបាលអេស្ប៉ាញ ឲ្យត្រឡប់ទៅហ្វឹកហាត់ជាធម្មតាវិញ ក្រោយសម្រាកអស់រយៈពេលជាច្រើនសប្ដាហ៍ដោយវិបត្តិកូវីដ។ ក្របខ័ណ្ឌកំពូលរបស់អេស្ប៉ាញ គ្រោងធ្វើការប្រកួតបន្តនៅក្នុងខែមិថុនាខាងមុខ។
