Evra ព្រលយថា កាលនៅកាន់តំណែង Sir Alex ច្បាស់ ៩៩% រឿងទិញ Ronaldo និង Bale

2020-05-05 11:14:19
បាល់ទាត់

2020-05-05 11:14:19
ចំនួនមតិ 0 | ចំនួនចែករំលែក 0

ចន្លោះមិនឃើញ

អតីតកីឡាករក្រុមជម្រើសជាតិបារាំងលោក Patirce Evra បាននិយាយប្រាប់សារព័ត៌មានកាលពីពេលថ្មីៗនេះថា អតីតអ្នកចាត់ការ Manchester United - Sir Alex Ferguson ច្បាស់ប្រាកដក្នុងចិត្តណាស់ ក្នុងការនាំចូលខ្សែប្រយុទ្ធព័រទុយហ្គាល់ Cristiano Ronaldo និងខ្សែស្លាបវេល Gareth Bale មកកាន់ក្លឹបកាលពីឆ្នាំ២០១៣។

Evra បានទម្លាយប្រាប់ថា៖ " អ្នកដឹងទេថា ២សប្ដាហ៍មុនគាត់លាលែង មានព័ត៌មានបែកធ្លាយថា លោកគ្រូ Ferguson នឹងចូលនិវត្តន៍ឆ្នាំក្រោយ តែលោកបានប្រាប់ខ្ញុំថា លោកនឹងនៅជាមួយក្លឹបរយៈពេល ១០ឆ្នាំទៀត " ។

អតីតខ្សែការពារស្លាបរូបនេះបានឲ្យដឹងថា៖ " លោកពេលហ្នឹងបង្ហើបប្រាប់ខ្ញុំថា គោលដៅរបស់លោកគឺ ៩៩%ច្បាស់ណាស់ក្នុងការទិញ Ronaldo និង Bale មកកាន់ក្លឹបយើង ដើម្បីឈ្នះ Champions League ច្បាស់ណាស់ ៩៩%។ ពេលខ្ញុំនិយាយជាមួយ Ronaldo គេក៏និយាយដូចគ្នាអញ្ចឹងដែរ " ។

២សប្ដាហ៍ក្រោយមក Evra រៀបរាប់ថា គេឃើញអ្នកកាសែតជុំៗនៅក្រៅកន្លែងហ្វឹកហាត់ ហើយពេលនោះគេគិតថា សង្ស័យមានកីឡាករណាមានរឿងធំហើយ។ ស្រាប់តែមានអី លោក Ferguson បានប្រកាសក្នុងបន្ទប់ផ្លាស់សំលៀកបំពាក់ថា លោកលាឈប់ហើយ ដោយសារតែប្រពន្ធត្រូវការគាត់៕

ប្រភព៖ Goal ប្រែសម្រួល៖ ហ៊ីម រស្មី