- 2020-04-10 03:19:00
- បាល់ទាត់
Sterling ជាកីឡាករ PL ទីមួយនឹងធ្លាក់តម្លៃខ្លួនធ្ងន់ធ្ងរបំផុតរដូវកាលនេះ
- 2020-04-10 03:19:00
- ចំនួនមតិ 0 | ចំនួនចែករំលែក 0
Sterling ជាកីឡាករ PL ទីមួយនឹងធ្លាក់តម្លៃខ្លួនធ្ងន់ធ្ងរបំផុតរដូវកាលនេះ
ចន្លោះមិនឃើញ
Raheem Sterling នឹងក្លាយជាកីឡាករលេងនៅ Premior League ដំបូងគេ ដែលមានតម្លៃខ្លួនធ្លាក់ចុះខ្លាំងជាងគេបំផុតក្នុងរដូវកាលនេះ ដ្បិតអង់គ្លេសគ្មានសកម្មភាពបាល់ទាត់ ព្រោះតែការវាយលុកពីជំងឺ Covid-19។
បច្ចុប្បន្នតម្លៃខ្លួនសរុបរបស់ខ្សែប្រយុទ្ធស្លាប Sterling មាន ១១៥លានផោននឹងធ្លាក់ចុះ ២៩លានផោន សល់ត្រឹម ៨៦លានផោនប៉ុណ្ណោះ។
ប្រិយមិត្តដឹងហើយ Manchester City ជាក្រុមមួយសំបូរកីឡាករល្អៗ សូម្បីបេក្ខភាពបម្រុងឃើញហើយក៏ញាក់សាច់ ដូច្នេះក្លឹបមេឃខៀវនេះនឹងរងគ្រោះធ្ងន់ដែរ ពោលគឺតម្លៃកីឡាករសរុបក្នុងឆ្នាំនេះមានចំនួន ៩១៧លានផោននឹងធ្លាក់ចុះ ២២៤លានផោន។
បើងាកមកមើលខ្សែបម្រើឡើងជើងខ្លាំង Kevin de Bruyne វិញក៏ដូចគ្នា ដោយកីឡាករសញ្ជាតិបែលហ្សិកសព្វថ្ងៃមានតម្លៃខ្លួនសរុប ១០៨លានផោននឹងធ្លាក់ចុះ ២៧លានផោន សល់ត្រឹម ៨១លានផោនប៉ុណ្ណោះ។
ចំណាត់ថ្នាក់លេខ ៣ លេខ ៤ និងលេខ ៥ បានលើ Harry Kane កីឡាករ Spurs កីឡាករ Mohamed Salah និង Sadio Mane របស់ក្រុមហង្សក្រហម Liverpool។ ខ្សែប្រយុទ្ធទាំងបីមានតម្លៃខ្លួន ១០៨លានផោនដូច Kevin de Bruyne ដែរ។
ចំណែក Trent Alexander-Arnold ខ្សែការពារ Liperpool មានតម្លៃខ្លួន ៨៩លានផោននឹងធ្លាក់ចុះ ១០លានផោន សល់ត្រឹម ៧៩លាន។ កីឡាករ N’Golo Kante, Virgil van Dijk, Bernardo Silva, Leroy Sane និង Paul Pogba បច្ចុប្បន្នមានតម្លៃខ្លួន ៧២លានផោននឹងធ្លាក់ចុះ ១៨លានផោន សល់ត្រឹមតែ ៥៤លានផោនប៉ុណ្ណោះ។
លីគអង់គ្លេសគ្មានការប្រកួតបាល់ទាត់ ព្រោះតែវិបត្តិ Covid-19 ដូច្នេះបើតាមការវាយតម្លៃរបស់គេហទំព័រ Transfermarkt តម្លៃខ្លួនកីឡាករទាំងអស់សរុបនៅ Premier League នឹងធ្លាក់ចុះ ១,៦ពាន់លានផោន ហើយបើគិតពី League ទាំងអស់លើពិភពលោកវិញនឹងធ្លាក់ចុះ ៩ពាន់លានផោន។
គួរបញ្ជាក់ផងដែរថា ការវាយតម្លៃនៃការធ្លាក់ចុះនេះ ត្រូវបាន Transfermarkt ធ្វើឡើងដោយគិតលើកត្តាជាច្រើនរួមមាន គិតលើអាយុកីឡាករ រយៈពេលកុងត្រា និងតម្លៃផ្ទេរកីឡាករកាលពីរដូវកាលមុន។
បើនិយាយពីអាយុ បើកីឡាករណាកើតមុនឆ្នាំ ១៩៩៨ នឹងខាតអស់ ២០% ចំណែកកីឡាករកើតឆ្នាំ ១៩៩៨ នឹងខាតអស់ ១០%។ នេះដោយសារតែតម្លៃកីឡាករអាយុ ២២ឆ្នាំឬក្មេងជាងនេះ មានច្រើនជាងកីឡាករចាស់ៗ ដូច្នេះហើយក្រុមណាមានកីឡាករល្អច្រើន អាយុលើស២២ឆ្នាំ ក្រុមនោះនឹងខាតបង់ធ្ងន់ធ្ងរ៕